لە٣٠ سالەی شەهید کرانی دوکتۆر قاسملو، سمینارێک لە سینای فەرانسە بەڕێوەچوو

رۆژی دووشەممە رێکەوتی ١٧ی فیوریەی ٢٠٢٠ی زایینی ئەنیستیتۆی کورد لەپاریس بەهاوکاری سێنای فەرانسە، بە بۆنەی سیهەمین ساڵەی شەهید کرانی دوکتۆر قاسملو سمینارێکی لەیەکێك لەساڵۆنەکانی سێنا بەڕێوەبرد. لەو سمینارەدا کە دەیان کەسایەتی سیاسی کورد ئێرانی و بیانی تێیدا بەشدار بوون، ئاوڕ لە ژیانی سیاسی، کاروچالاکی و کارتێکەری دکتور عەبدولڕەحمان قاسملوو لە سەر سیاسەتی ناوچەکە، بە تایبەت ناوخۆی کوردستان درایەوە. سیاسەتی تێرۆر و تۆقاندنی ڕژیمی ئیسلامی ئێران سەرکۆنە کرا و ئاوڕ لە لایەن جیاوازەکانی تێرۆری نیودەوڵەتی ڕژیمی ئێران درایەوە. ئەو سمینارە لە چوار پانێل دا بەرێوەچوو، کە تێدا چەندین کەسایەتی سیاسی دیاری بزوتنەوەی کورد و کەسایەتی ئێرانی و نێودەولەتی بەشداریان تێدا کرد.

سمینارەکە کاتژمێری ٩و نێوی بەیانی دەستی پێکردو کاتژمێری ٧ی ئێوارە کۆتای هات. لەسەرتا دا دوکتۆر کەندال نەزان بەخێرهاتنی میوانانی کرد و بە دوای ئەو دا خانمی جویس بلو بەرێوەبەری پانێلی یەکەم و ئەو کەسایەتیانەی خوارەوە بە پێی ڕیزبەندی ناوەکانیان وتاریان پێشکەش کرد:

– د. حەسەن شەتەوی
– میان قاسملوو کچی شەهید دوکتۆر قاسملو
– ئەمیر قازی- خسرو عبداللهی پەیامی عبداللە عیزتپوری خوێندەوە
– مامۆستا عبداللە حەسەن زادە و دواین کەسی ئەو پانێلە کاک عەدنان موفتی بوو.

پانێلی دووهەم ئاغای فێرۆد بەرێوەبەری پانیلە کەو ئەوکەسانە خوارەوە وتاریان پێشکەش کرد:
– کاک حەسەن شەرەفی
– ئەحمەد ئەسکەندەری
– عبداللە موهتەدی
– مەلا مەحمەد جوانرۆیی
– مەسعود تەك
– عەزیز ماملێ و دواین کەسی ئەو پانێلە فاتۆس گۆنەی خێزای یەلماز گۆنەی بوو.

پانێلی سێهەم ئا‌غای بۆز ئەرسەلان بەرێوەبەری پانێل و کەسایەتی ئێرانیانەی خوارەوە وتاریان پێشکەش کرد:
– هیدایت مەتین دەفتەری
– عبدالکریم لاهیجی
– رەزا دیقتی وێنەگری بەناوبانگی ئێرانی کە لەکۆتایی قسەکانی کۆمەلێک وێنەی فتوگرافی لە ژیانی سروشت و کلتوری کوردی نیشان دا.

پانێلی چوارەم: کەندال نەزان بەرێوەبەری پانێل و ئەو کەسایەتیانەی نێودەوڵەتی وتاریان پێشکەش کرد:
– ژێرار شالیاند،
– مارك کراوێتز
– کارۆل پرونهۆبەر
– دوکتۆر فلۆرانس وێبەر
– جاناتان راندال، بێرنارد کۆشنێر.

جێگای ئاماژەیە کە لە نێوان پانێلەکاندا لەسەر ژیانامەی شەهید دوکتۆر قاسملو کورتە فیلم نیشان دەدران. بەشداربووانی ئەم سمینارە لەوڵاتانی جۆراوجۆر وەك ئالمان، نۆروێژ، ئەمریکا، هۆلەند، سوئید و ترکیەو کوردستانەوە هاتبوون.
جێگەی ئاماژەیە کە بەشێکی بەرچاو لەئەندامانی کۆمیتەی حیزبی دێموکراتی کوردستان لە فەرانسە چالاکانە بەشداری سمینارەکە بوون.

حیزبی دێموکراتی کوردستان – کۆمیتەی فەرانسە

[NPG id=7809]