ڕاگەیاندراوی حیزبی دێموكراتی كوردستان، كۆمیتەی ئاڵمان

ڕاگەیاندراوی حیزبی دێموكراتی كوردستان، كۆمیتەی ئاڵمان
بە داخ و پەژارەیەكی زۆرەوە ڕادەگەیەنین، ئەمڕۆ یەكشەممە ٢ی گەلاوێژی ١٤٠١ی هەتاوی، كاتژمێر ١٢. هاوڕێی بە ئەمەگ و بەوەفای حیزبی دێموكراتی كوردستان، كاك فەرهاد رەحمانی، هاوسەری خوشكە كەژاڵ ماوەرانی، بە هۆی نەخۆشی لە نەخۆشخانەی شاری ( Geilenkirchen) لە وڵاتی ئاڵمان ، پاش چەند ساڵ ململانە لەگەڵ نەخۆشی شێرپەنجە، لە تەمەنی ٤١ سالی، كۆچی دوایی كرد.
كاك فەرهاد ڕەحمانی، هاوڕێ لەگەڵ بابی كۆچكردووی، كاك ناسر ڕەحمانی ناسراو بە ناسر كرمانج، یەك لە ئەندامانی هەرە چالاكی نەهێنی حیزبی دێموكراتی كوردستان بوون لە شاری مەهاباد, پاش هاتنی كاك فەرهاد بۆ وڵاتی ئاڵمان، لێرەش وەك ئەندامێكی دڵسۆز و بە وەفای حیزبی دێموكرات درێژەی بە كاروچالاكییەكانی دا.
كۆمیتەی ئاڵمانی حیزبی دێموكراتی کوردستان، وێرای بەداخبوونی بۆ گیانلەدەستدانی كاك فەرهاد رەحمانی، سەرەخۆشی دەكات لە بنەماڵەی بەرێزی رەحمانی و ماوەڕانی و خۆی بە هاوبەشی خەمیان دەزانێ.
روحی شاد بێت و هیوای سەبووری بۆ بنەماڵەی سەربەرزیان .
24/07/2022
کۆمیتەی حدک ،ئاڵمان

لەلایەن ناوەندی ڕاگەیاندنی حیزبی دێموکراتی کوردستان لە دەرەوەی وڵات، بەبۆنەی کۆچی دوایی کاک فەرهاد ڕەحمانی، پرسە و سەرەخۆشیی خۆمان ئاراستەی هاوڕێیانمان لە کۆمیتەی ئاڵمان و  بنەماڵە و ئازیزانی نەمر فەرهاد ڕەحمانی دەکەین و خۆمان بە شەریکی خەمیان دەزانین.

Be the first to comment

Leave a Reply

Your email address will not be published.


*