بەڕێوەچوونی ڕێوڕەسمی پرسە و سەرەخۆشی کاک عەلی قازی لە وڵاتی ئاڵمان

 

رۆژی دووشەممە ڕێكەوتی ١١/٧/٢٢ لە شاری كۆڵنی ئاڵمان ڕێوڕەسمی پرسە و سەرەخۆشی کاک عەلی قازی، كوری پێشەوا قازی محەممەد بەڕێوەچوو.

‎لە سەرەتای ڕێوڕەسمەكەدا پەیامی  بنەماڵەی كۆچكردوو کاک عەلی قازی پێشکەش كرا.

بە دوای  پەیامی بنەماڵەی  نەمر عەلی قازی، پەیامی كۆمیتەی حیزبی دێموکراتی کوردستان  لە وڵاتی  ئاڵمان لە لایەن بەڕێز  سوڵتان گوڵاوی  پێشکەش كرا. بەڕێزیان سەرەتا هاوخەمی سەرجەم ئەندامانی حیزبی لە وڵاتی ئاڵمان بەبنەماڵەی قازی وجاف راگەیاند. لەبەشێكی دیكەی پەیامی کۆمیتەی حیزب لە وڵاتی ئاڵمان تیشک خرابووە سەر رۆڵی بنەماڵەی قازی لە بزووتنەوەی کورد و حیزبی دێموکرات‌دا و هەروەها هاتبوو كە کاک عەلی قازی هەموو كاتێك خۆی بە ئەندامی حیزبی دێموکرات زانیوە.

لە ‎ دوا بڕگەی رێوڕەسمەکەدا پەیامی سەرەخۆشی ژمارەیەک لە هێز و لایەنە كوردستانییەكان بە بۆنەی کۆچی دوایی کاک عەلی قازی خوێندرایەوە.

Be the first to comment

Leave a Reply

Your email address will not be published.


*