‎كۆچی دوایی دایکی ئەندامێکی حیزب لە شاری سەردەشت

حاجی ئامینە ئیبراهیمی، هاوژینی حاجی كاكەلاو و دایكی کاک مەحموود ئەحمەدیان، پێشمەرگەی دێرین و ئەندامی حیزبی دێموکراتی کوردستان لە وڵاتی ئۆسترالیا، دوای ماوەیەك بەربەرەكانێ لەگەڵ نەخۆشی دوێنێ ١٨ی پووشپەڕ لە تەمەنی ٨٣ ساڵی‌دا ماڵئاویی لە کۆڕی بنەماڵە و ئازیزانی كرد.

‎حاجی ئامینە دایكێكی مێهرەبان، خۆشەویست و بەمشوور و جێگای متمانەی خەڵك و ناسیاوانی بوو. حاجی ئامینە، وێڕای ئەوەی کە كوڕێكی لە ڕیزی حیزبی دێموکراتدا پێشمەرگە بوو، ئۆگرییەکی تایبەتی بۆ پێشمەرگە و حیزبی دێموکرات هەبوو و وەک دایكێكی ئازا و بوێر لە ماوەی ساڵانی خەباتی پێشمەرگانەدا ماڵەكەی هەمیشە جێگای حەسانەوەی كادر و پێشمەرگەكانی ناوچەی سەردەشت و هێزی گیاڕەنگ بوو.

‎حاجی ئامینە لە سەردانەكانی‌دا بۆ لای كوڕەکەی، وەك دایكێكی خۆشەویست گشت هاوڕێ و هاوسەنگەرانی كوڕەكەی بەسەر دەكردەوە و لە هەست و سۆزی دایكانەی خۆی بێبەشی نەدەکردن.

لەلایەن ناوەندی ڕاگەیاندنی حیزبی دێموکراتی کوردستان لە دەرەوەی وڵات، بەبۆنەی کۆچی دوایی حاجی ئامینە ئیبراهیمی، پرسە و سەرەخۆشیی خۆمان ئاراستەی هاوڕێ مەحموود ئەحمەدیان و  بنەماڵە و ئازیزانی حاجی ئامینە دەکەین و خۆمان بە شەریکی خەمیان دەزانین.

 

 

Be the first to comment

Leave a Reply

Your email address will not be published.


*