دیدارێکی دوستانەی هەردوو کومیتەی حیزبی دێمۆکراتی کوردستان و ناوەندی یەکێتی نیشتیمانی کوردستان لە وڵاتی فینلاند.

شەممە ٢٠٢١/١١/٦زایینی لە شاری ئیسپۆی وڵاتی فینلاند، دانیشتنێکی دۆستانە لە نیوان هەردوو کومیتەی حیزبی دێمۆکراتی کوردستان و ناوەندی یەکێتی نیشتیمانی کوردستان بەرێوەچوو.

ئامانجەکانی ئەم دانیشتنە بریتی بوون لە پێداچوونەوەو قسەکردن لەسەر مێژووی کارو پێوەندییەکانی دوو لایەن، کردنەوەی باسێکی راشکاوانە لەسەر روانگەو بۆچوونەکانی هەردوو لایەن، هەروەها هێنانە ئارای کۆمەڵێک رەخنە لە رابردوو پێشنیار بۆ داهاتوو، وەک گەرمووگورترکردنی پێوەندییەکانی دولایەن بەمەبەستی ئەنجام دانی کاری هاوبەش لە پێناو پەرژەوەندی رەوەندی کوردستانیانی نیشتەجێی وڵاتی فینلاند.

لە بەشێکی دیکەی ئەم دانیشتنەدا پێداگری کرایەوە لەسەر ئەو مێژووە دوورو درێژەی خەبات و قوربانی دانی هەردوو لایەنی حیزبی دێمۆکرات و یەکیەتی نیشتیمانی کوردستان. لەم دانیشتنەدا هەردولا هاورابوون لەسەر چالاککردنەوەی کۆمیتەی هاوکاری حیزبە کوردستانیەکان، بەمەبەستی چالاکی زیاترو ئەو چاوەروانیانەی لە کۆمیتەی هاوکاری حیزبە کوردستانیەکان هەیە دەبێ لە نزیکترین کاتدا کۆبونەوەیەک بۆ ئەندامانی ئەو کومیتەیە پێک بهێندرێ.

بەشێکی دیکەی ئەم کۆبوونەوەیە تەرخان کرابوو بۆ باس لەسەر  کۆرو کۆمەڵە مەدەنییە کوردییەکان لە وڵاتی فینلاند. هەر دوولایەن بە راشکاوانەو راوبۆچوونەکانی خۆیان لەو بارەیەوە هێنایە بەرباس و ئالوگۆری بیرو رایان کرد.

شایانی باسە کە هەیئەتێکی کۆمیتەی حیزبی دێموکراتی کوردستان لە وڵاتی فینلاند  بەسەرپەرستی کاک قادر مەکلاوەیی بەرپرسی کۆمیتە لەلایەن  هەیئەتی کومیتەی یەکیەتی نیشتمانی کوردستان بە سەرپەرەستی کاك جەبار جومعە   لێپرسراوی ناوەندی یەکێتی نیشتیمانی کوردستان لە فینلاند پێشوازی و میوانداری گەرمیان لە هەیئەتی حیزبی دێموکراتی کوردستان کرد

حیزبی دێموکراتی کوردستان – کۆمیتەی فینلاند

Be the first to comment

Leave a Reply

Your email address will not be published.


*