ناوەندی هاوکاریی حیزبەکانی کوردستانی ئێران لە وڵاتی ئاڵمان، نامەیەکیان بۆ حیزب و رێکخراوەکانی وڵاتی ئاڵمان نارد

پاش هەڵکوتانی ناوەندە ئەمنییەتییەکانی رژیمی کۆماری ئیسلامیی ئێران بۆسەر چالاکانی مەدەنی، ژینگەیی و سیاسی رۆژهەڵاتی کوردستان، ناوەندی هاوکاریی حیزبەکانی کوردستانی ئێران، بە مەبەستی ئیدانەکردن و لەقاودانی ئەو هەوڵەی ناوەندە ئەمنییەکانی رژیمی کۆماری ئیسلامیی ئێران، نامەیەکیان بە زمانی ئاڵمانی بۆ هەموو ناوەندەکانی مافی مرۆڤ لە وڵاتی ئاڵمان و هەموو حیزبه ئاڵمانییەکان و پەرلەمان و سەرۆک پەرلەمانی ئاڵمان نارد.
لەو نامەیەدا، نێوی هەموو ئەو چالاکانە کە لەم دواییانەدا، دەستبەسەر کراون و وێڕای مەحکومکردن و لەقاودانی ئەو هەوڵەی رژیمی کۆماری ئیسلامیی ئێران بۆسەر کۆمەڵگای مەدەنی، ناوەندی هاوکاریی حیزبەکانی رۆژهەڵاتی کوردستان، داوای لە هەموو حیزبەکانی ئاڵمان، ناوەندەکانی مافی مرۆڤ، پەرلەمانی ئاڵمان و سەرۆک پەرلەمان لە وڵاتی ئاڵمان کراوە کە، وێڕای مەحکومکردنی ئەو میلیتاریزەکردنەی کۆمەڵگای مەدەنی رۆژهەڵاتی کوردستان، داوای ئازادیی بێ قەیدوشەرتی دەستبەسەرکراوان بکەن و گوشار بخەنه سەر رژیمی کۆماری ئیسلامی ئێران.
نامەکەی ناوەندی هاوکاریی حیزبەکانی کوردستانی ئێران بۆ:
1- وەزارەتی دەرەوەی وڵاتی ئاڵمان
2-سەرۆکی پەرلەمانی ئاڵمان و جێگرەکانی
3-کۆمسیونی چاوەدێریی مافی مرۆڤ و هاوکارییه مرۆییەکانی پەرڵەمان
4-حیزبی سۆسیال مەسیحیی ئاڵمان و فراکسیۆنی ئەو حیزبه لە پەرلەمان
5-حیزبی سۆسیال دێموکرات و فراکسیۆنی پەرلەمانی ئەو حیزبە
6-حیزب سەوزی ئاڵمان و فراكسیونی ئەو حیزبە لە پەرلەمان
7-حیزبی چەپی ئاڵمان و فراكسیونی ئەو حیزبە لە پەرلەمان
8-حیزبی لێبرالی ئاڵمان وفراكسێونی ئەو حیزبە لە پارڵەمان
9-چەندین پارڵەمانتاری دۆستی كورد لە هەمووحیزبەكانی بەشدار لە پارڵەمان
10-هەموو ئەو نەنیستۆیانەی کە چالاکن لە وڵاتی ئاڵمان
11- هاین ریش بۆل شتیفتونگ
12- فریدریش ئەبرت شتیفتونگ
13- کۆردناد ئادەناوە شتیفتونگ
14- فریدریش ناومان شتیفتونگ
-ناوەندی هاوکاریی حیزبەکانی کوردستانی ئێران
– حیزبی دێموکراتی کوردستانی ئێران ــ کۆمیتەی ئاڵمان
-کۆمەڵەی زەحمەتکێشانی کوردستان ــ کۆمیتەی ئاڵمان
-کۆمەڵەی شۆڕشگێڕی زەحمەتکێشانی کوردستانی ئێران ــ کۆمیتەی ئاڵمان
-حیزبی دێموکراتی کوردستان ــ کۆمیتەی ئاڵمان

Be the first to comment

Leave a Reply

Your email address will not be published.


*