ناوەندی هاوکاریی حیزبەکانی کوردستانی ئێران لە سوئێد، نامەیەکی لەسەر گرتن و دەستبەسەرکردنی ژمارەیەکی بەرچاو لە هاووڵاتییانی مەدەنی لە ڕۆژهەلاتی کوردستان ئاڕاستەی کۆمەڵێک دامودەزگای سوئێدی و نیونەتەوەیی کرد.
لەو نامەیەدا ئاماژە بە شەپۆلی دەستگیرکردنی چالاکانی مەدەنیی کراوە و مەبەست لێی ئاگادارکردنەوەی سیاسەتمەداران و دەسەڵاتدارنی سوئێد، ڕێکخراوە مەدەنییەکانی وەک ئەمنێستی ئەنترناشناڵ، هیومان ڕایتس واچ و هەروەها ڕێکخراوی نەتەوەیەکگرتووەکانە بۆ ئاوڕدانەوە لە پرسی گیراوانی مەدەنی و هەوڵدانی هەمەلایەنە بۆ هەرچی زووتر ئازادکردنیان. هاوکات لەقاودانی هەڵوێستی نامرۆڤانەی ڕێژیمی کۆماری ئیسلامیی ئێران بەرامبەر بە گیراوانی کورد کە تاکو ئێستا لە چارەنووسێکی نادیاردان و دەگەڵ ئەوەشدا بە مەبەستی زیاتر ئاگادارکردنەوەی بیروڕای گشتی، چەندین مێدیای سوئێدی پەیوەندییان پێوە گیراوە.
ناوەندی هاوکاریی حیزبەکانی کوردستانی ئێران- سوئێد
Be the first to comment