کۆمیتەی هاوکاریی حیزب و رێکخراوە سیاسییە کوردستانییەکان لە نۆروێژ، ناوەندەکانی حکومەتی نۆروێژ لە گیرانی لاوانی کوردستان ئاگادار دەکاتەوە.

بە دوایی رەشبگیریی ژمارەیەکی بەرچاو لە چالاکانی مەدەنی و ژینگەپارێزی لە شارەکانی رۆژهەڵاتی کوردستان بە دەستی ناوەندە ئەمنییەتییەکانی رێژیمی کۆماری ئیسلامی ئێران لە دوو حەوتوویی رابردوو، کۆمیتەی هاوکاریی حیزب و رێکخراوە کوردستانییەکان لە نۆروێژ ، رۆژی دووشەممە، رێکەوتی ٢٥ی ژانویەی ٢٠٢١ی زایینی، لە نامەیەکدا هەر یەک لە وەزارەتی دەرەوە، کۆمیتەی دەرەوە و دیفاعی پەرلەمانی نۆروێژ و رێکخراوی لێبوردنی نێونەتەوەیی لقی نۆروێژی لەسەر دەسبەسەرکردنی نزیک بە ٧٠ کەس لە هاووڵاتیانی کورد لە رۆژهەڵاتی کوردستان و هەروەها بێ ئاگاهی بنەماڵەکانیان لە هۆی گیرانیان و شوێنی زیندانیکردنیان و نەبوونی پارێزەر ئاگادار کردووەتەوە. لە بەشێکی دیکەی داواکەی کۆمیتەی هاوکاریدا، داوا لەو ئۆرگانە حکومەتی و مەدەنییەکانی نۆروێژ کراوە کە لە کاناڵی خۆیانەوە زەخت بخەنە سەر کۆماری ئیسلامی ئێران بۆ ئازادکردنی هەرچی زووتری ئەو هاووڵاتییە کوردانە.
پێویست بە ئاماژەیە کە کۆمیتەی هاوکاریی حیزب و رێکخراوە کوردستانییەکان لە نۆروێژ پێک هاتووە لە ٩ حیزب و رێکخراوی هەر چوارپارچەی کوردستان کە بریتین لە:
– حیزبی دێموکراتی کوردستانی ئێران
– پارتی دێموکراتی کوردستان
– پارتی دێموکراتی کوردستانی باکوور
– پارتی ئازادی کوردستانی باکوور
– پارتی ئازادی کوردستان
– رێکخراوی خەباتی شۆرشگێری کوردستان
– پارتی سەربەستی کوردستان
– یەکگرتوویی ئیسلامی کوردستان
– حیزبی دێموکراتی کوردستان

Be the first to comment

Leave a Reply

Your email address will not be published.


*