لە رۆژی ئاڵاو و رۆژی پێشمەرگەدا، دایکی شەهیدێکی حیزبی دێموکراتی کوردستان کۆچی دوایی کرد

رۆژی پێنجشەممە ٢٦ی سەرماوەزی ١٣٩٩ی هەتاوی، رێک لە رۆژی ئاڵا و رۆژی پێشمەرگەدا، خاتوو مەنیج ئەحمەدی دایکی شەهیدی فەرماندە بایز جەهانبەخش لە (هێزی شەهید مەلا ئاوارە) و پووری پێشمەرگەی دێرین هاوڕێ خالید عەبدوڵڵازادە، بە هۆی نەخۆشی لە یەکێک لە نەخۆشخانەکانی شاری مهاباد کۆچی دوایی کرد. هەرچەند خاتوو مەنیج ئەحمەدی خەڵکی شاری پیرانشار بوو، بەڵام چەند ساڵێک بوو بە هۆی فشار و زەبروزەنگی هێزە سەرکوتکەرەکانی کۆماری ئیسلامی لە شاری پیرانشار، بە ناچاری دەگەڵ بنەماڵەکەی زێدی خۆیان بەجێ هێشتبوو و لە شاری مهاباد نیشتەجێ بوون.
شایانی باسە، شەهید بایز جەهانبەخش، ساڵی١٣٥٩ی هەتاوی، لەگەڵ دەستەیەک لە پیشمەرگە قارەمانەکانی هێزی ئاوارەی ئەوکات، بۆ مەئموورییەتێکی حیزبی ڕەوانەی ناوچەی تیکاب و ساینقەڵا کران، بەڵام لە نزیک شاری تیکاب، دەکەونە بەر هێرشی هێزەکانی کۆماری ئیسلامی و پاش شەڕێکی قارەمانانە شەهید دەکرێت. ئەو دایکە شەهیدە لەوساوە تا ئێستا لە چاوەڕوانی وەدیهاتنی ئاواتی کوڕە شەهیدەکەیدا بوو و خەونی بە رزگاریی وڵاتەکەیەوە دەدیت.
ناوەندی راگەیاندنی حیزبی دێموکراتی و کوردستان بەم بۆنەوە، سەرەخۆشی لە  لە تێکڕای بنەماڵەی کۆچکردوو و هاورێ خالید عەبدوڵڵازادە دەکات و لەو خەمەدا خۆی بە شەریک و بەشداری خەمیان دەزانێ.

Be the first to comment

Leave a Reply

Your email address will not be published.


*