. . . .


27 Sep 2009

هه‌ردوو کۆمیته‌ی حیزبی دێموکراتی کوردستان و حیزبی کۆمنیستی ئێران(ک?


ڕۆژی شه‌ممه‌ 26ی سپتامبر 2009 وه‌فدێکی کۆمیته‌ی حیزبی دێموکراتی کوردستان پێکهاتوو له‌ به‌ڕێزان؛ به‌هار ئیبڕاهیمی به‌رپرسی کۆمیته‌، زاهید شاعیری ئه‌ندامی کۆمیته‌ و به‌رپرسی به‌شه‌کانی راگه‌یاندن و په‌یوه‌ندیه کوردستانیه‌کان، فاتح ڕه‌سوڵی ئه‌ندامی کۆمیته‌ و ئه‌حمه‌د ڕه‌سوڵی ئه‌ندامی حیزب له‌گه‌ڵ وه‌فدێکی حیزبی کۆمنیستی ئێران (کۆمه‌ڵه)، پێکهاتوو له‌ به‌ڕێزان؛ مه‌نسوور خالیدی به‌رپرسی کۆمیته‌ی سویس، عومه‌ر شادرو ئه‌ندامی کۆمیته‌ و ئاسۆ حه‌سه‌نی ئه‌ندامی حیزبی کۆمنیستی ئێران(کۆمه‌ڵه) کۆبوونه‌وه.

دیداره‌که‌ به‌ ڕێزگرتن له‌ گیانی پاکی شه‌هیدانی ڕێگای ڕزگاری کوردستان ده‌ستی پێکرد و سه‌ره‌تا زاهید شاعیری باسێکی له‌سه‌ر ئامانجه‌کانی کۆبوونه‌وه‌که‌ و سیاسه‌ته‌کانی حیزب به‌ گشتی و به‌ تایبه‌ت له‌ بابه‌ت گرینگی کۆده‌نگی له‌ نێوان هێزه‌ به‌رهه‌ڵستکاره‌کانی کۆماری ئیسلامی پێشکه‌ش کرد. به‌ڕێز شاعیزی هه‌روه‌ها به‌ کورتی له‌مه‌ڕ بارودۆخی ئه‌مڕۆی ئێران و ئه‌م کێشانه‌ی که‌ چ له‌ ئاستی ناوخۆیی و چ له‌ ئاستی نێونه‌ته‌وه‌ییدا به‌ره‌وڕووی ڕێژیمی ئاخوندی بوونه‌ته‌‌وه، دوا و‌ پێویستی و مکانیزمه‌کانی لێکنیزیک بوونه‌وه‌ی هێز و توانای لایه‌نه‌کان به‌تایبه‌ت کۆمیته‌ی حیزب و ڕێکخراوه‌کانی ڕۆژهه‌ڵاتی کوردستان له‌ وڵاتانی ده‌ره‌وه و یه‌ک له‌وان له‌ وڵاتی سویس‌ی خسته‌ روو.
ئه‌م باسانه‌ که‌ ته‌وه‌ره‌کانی دیداره‌که‌یان له‌ خۆ گرتبوو له‌ لایه‌ن به‌ڕێز مه‌نسور خالیدی به‌رپرسی کۆمیته‌ی کۆمه‌ڵه‌ له‌ وڵاتی سویس و ئه‌ندامانی وه‌فدی دوو لایه‌نه‌وه‌ قسه‌یان له‌ سه‌ر کرا و باسه‌که‌ ده‌وڵه‌مه‌ندکرا.

دیداره‌که‌ سه‌رجه‌م 3 کاتژمێری خایاند و هه‌ردوو لایه‌ن ئه‌م کۆبونه‌وه‌یان به‌ گرنگ و خاوه‌ن ده‌سکه‌وت زانی.
به‌شی ڕاگه‌یاندنی حیزبی دێموکراتی کوردستان کۆمیته‌ی سویس.
27.09.2009
komele.jpg

بگه‌رێوه‌|ئەم بابەتە 1139 جار بینراوە| بینێره‌| چاپ
Facebook| My Yahoo| Twitter| google




start|copyright © 2009 kdpmedia.org|contact