. . . .


24 Sep 2018

بەشداری هەیئەتێکی ح د ک لە کۆنفرانسی لیبەرپارتی لەشاری لیفەرپول،ی بریتانیا


ناوەندی هەواڵ- بریتانیا: ڕۆژی دووشەممە رێکەوتی ٢٤ی سپتامبری ٢٠١٨ی زایینی، هەیئەتێکی حیزبی دێموکراتی کوردستان بەسەرپەرستی کاک خالید عەزیزی بەشداری کۆنفرانسی ساڵانەی حیزبی کرێکارانی بریتانیای کرد.
لە یەکەم قۆناغ دا سەر لەبەیانی دووشەممە بەڕێز کاک خالید عەزیزی لە پانێلێک دا بەشداری کرد. بەڕێز عەزیزی لەم پانێلەدا لەسەر موشەک باران و هێرشی کۆماری ئیسلامی بۆ سەر قەلای دێموکرات و بە ئامانج گرتنی پلۆنۆمی کومیتەی ناوەندی حیزب قسەی کرد و لە وتەکانی دا ئاماژەی بە کات و رۆژ و مەبەستی کۆماری ئیسلامی لەو هێرشە بۆ سەر قەلای دێموکرات و مەبەست و ئامانجەکانی پشت ئەو هێرشە کرد.
لەدرێژەی کۆنفرانسەکەدا هەیئەتی حیزب چاوی بەبەشێکی زۆر لە ئەندام پارلمان و میوانان و بەشدار بووانی کۆنفرانسەکە کەوت و هاوکات لەگەڵ هەیئەتێکی بەشی نێونەتەوەی حیزبی کرێکاران چاوپێکەوتنی پێکهێنا.
هەر هەمان ڕۆژ و لە دەرفەتێکی دیکە دا هەیئەتی حیزبمان لەگەڵ بەرێزان جێرمی کۆربین سەرۆکی حیزبی کرێکارانی بریتانیا و خاتوو ئیمیلی تۆرنبێری وەزیری دەرەوە لە دەسەڵاتی سێبەر دیداری کرد. بەرێز خالید عەزیزی لە وتەکانی دا لەگەڵ بەرێزان جێرمی کۆربین و خاتوو ئیمیلی تۆرنبێری وتی: زۆر سپاس بۆ ئەو بانگهێشتەکەتان و سپاس بۆ دەرفەتەی کە بۆ ئێمەتان ڕەخساند کە بێین و لە کۆبوونەوەی بەرینی حیزبەکەتاندا بەشدار بین. ئەمرۆ ٢٤ سپتامبرە، ٨ی هەر ئەم مانگە، واتە ١٦ ڕۆژ بەر لە ئێستا، کاتێک کە منو هاوڕێکانم لە ڕێبەری حیزبی دیموکراتی کوردستان لە کۆبوونەوەی تایبەتی کومیتەی ناوەندی حیزبەکەماندا بووین لە شاری کۆیە، قەلای دیموکرات کە بنکەی سەرەکی حیزب و چەندین ئۆرگان و ڕێکخراوی مەدەنیی تێدا جێگیرە، لە لایەن سوپای پاسدارانی کۆماری ئیسلامی ئێرانەوە درایە بەر موشکی بالێستیکی دوور هاوێژ. لە ئەنجامی ئەو موشەک بارانە دا شەش کەس لە ئەندامانی کۆمیتەی ناوەندی هەرلەوێ ١٦ کەس شەهید بوون کە ٦ کەسیان ئەندامی کومیتەی ناوەندی حیزب بوون و زیاتر لە ٤٠ کەسیش کە زۆرینەیان ژن و منداڵ بوون بریندار بوون.
کۆماری ئیسلامی راستەوخۆ و بە فیلم و دیکومێنت کە هەمووی لای ئێمە پارێزراوە، بە ئاشكرا ڕایگەیاند کە ئەو هێرشە لە لایەن یەکە موشەکییەکانی سوپای پاسدارانەوە ئەنجام دراوە، بۆیە داوام ئەوەیە کە کۆماری ئیسلامی بخرێتە بەر لێپرسینەوە و دەبێ کۆمەڵگەی نێودەوڵەتی ڕێگە لە دووبارە بوونەوەی ئەو چەشنە کردەوانەی ئەو ڕژیمە بگرێ. ئێمە چاوەڕوانیمان لە ئێوە وەک حیزبێکی دۆست ئەوەیە کە هەم لە ئاستی بریتانیا و هەم لەئاستی ئەوروپا و نێونەتەوەیدا وێرای دیفاع لە دۆزی نەتەوەی کورد لە ئێران و حیزبی دێموکراتی کوردستان بەتایبەت، ئەو کردەوانە لە کۆماری ئیسلامی قبول نەکەن و وە داوام ئەوەیە کە کار بکرێت بۆ کۆدەندگیەکی نێودەولەتی دژی کۆماری ئیسلامی. هەروەها پێم خۆشە وشیارتان بکەمەوە ئەگەر موشەکەکانی کۆماری ئیسلامی هەڵگری موادی شیمیای بوونایە، ئاستی کارەساتەکە زۆر لەوە گەورەتر دەبوو کە بە سەرمان هات، هەرچەندە هێشتا ئەو مەترسییە هەر لە جێی خۆیدا ماوە، چونکا کاربەدەستانی ڕژیمی ئیسلامی لە ئاستی بەرز دا هەڕەشەی دووبارە موشەک و باران کردنەوەی بنکە و بارەگانمان دەکەن و هیچ دوور نیە کە لە داهاتوو دا لە چەکی شێمیایی و قەدەغە کراویش کەڵک وەرگرن و ئیتر لە ساتە وەختێکی وا دا وەدەنگ هاتنتان بێسوود دەبێ.
بۆیە بۆ جارێکی دیکە تەکید دەکەمەوە کە باوەڕ بە کۆماری ئیسلامی مەکەن، ئەو ڕژیمە تووشی وەیرانێکی قووڵی نێوخۆیی بووە و بۆ خۆ دەرباز کردن لەو قەیرانە قووڵانە هەوڵ دەدات بە درووست کردن قەیران لە ئاستی نێودەوڵەتی دا بۆ ماوەیەکی دیکە ڕاگشتی لە سەری ناوخحی ئێران بەلا ڕێ دا بەرێ. من پێشبینی ئەوە دەکەم کە حکومەتی ئیسلامی ئێران لە داهاتوو دا هەوڵی نانەوەی کێشە و ئاژاوە لە دەرەوەی سنوورەکانی خۆی دەدات.

جێگای ئاماژەیە کە هەیئەتی حیزبی دێموکراتی کوردستان بە بانەری شەهیدان و ئارمی حیزب و ئالای حیزب هەروەها راگەیندراوەکانی دەفتەری سیاسی و کتێبچەیەك کە لەسەر رووداوەکەی ٨ی سپتامبر کە لە ٤٠ لاپەرەدا ئامادە کرابوو، لە بەرە دەرکی سەرەکی هۆڵی کۆنفڕانسەکە، بە شێوەیەکی بەربڵاو دەستیان کرد بە تەبلیغ و وەشانی بڵاوکراوە و ڕاگەیاندە فەرمییەکانی حیزب و دانی ئاگاداری بە بەشدارانی ئەو کۆنفڕانسە. هاوکات لە نیوەی کۆنفڕانسەکە دا سەدان نوسخە لە ڕاگەیاندراوی دەفتەری سیاسی و بەڵگەنامەی پێویست بە زمانی ئینگلیسی بە سەر بەشداران دا بڵاو کرایەوە.
هەیئەتی حیزبی پێک هاتوون کە بەڕێزانی خالید عەزیزی و مەولوود سوارە، ئەندامانی ڕێبەری حیزب و هاوڕێیان کەیوان شێرزاد و قادر جەسیمی ئەندامانی کومیتەی حیزبی دیموکراتی کوردستان لە وڵاتی بریتانیا.
خوێنەرانی ئازیز ئاگادار دەکەینەوە کە دەقی وەرگێڕدراوی قسەکانی هاوڕێی تێکۆشەر کاک خالید عەزیزی کە لە پانێلێکی ئەو کۆنفرانسە دا بە زمانی ئینگلیسی کردبووی، بەیانی دەخرێتە بەر دیدەی ئێوەی ئازیز.

نوێنەرایەتی حیزبی دێموکراتی کوردستان- بریتانیا
بۆ بینینی وێنەکان کلیک لێرە بکە

بگه‌رێوه‌|ئەم بابەتە 133 جار بینراوە| بینێره‌| چاپ
Facebook| My Yahoo| Twitter| google




start|copyright © 2009 kdpmedia.org|contact