. . . .


11 Sep 2018

پرسەنامەی : یەکێتیی دیموکراتی کوردستان‌_ ئێران


شەهید بالای بەقەد باڵای کوردستانە
بەداخەوە ڕێژیمی کۆماری ئیسلامی ئێران ڕۆژی شەممە ١٧ی خەرمانانی ١٣٩٧ی هەتاوی/ ٨ی سێپتامبری ٢٠١٨ی زایینی لە سەعات ١٥ و ٤٥ خولەکی پێش نیوەڕۆ بە موشوک بنکە و بارەگاکانی هەردوو حیزبی دیموکراتی کوردستان و حیزبی دیموکراتی کوردستانی ئێرانی لە شارۆچکەی کۆیە لە باشووری کوردستان داوەتە بەر هێرش و بەداخێکی زۆرەوە دەیان سەرکردە و پێشمەرگەی هەرفوو حیزب شەهید و بریندار بوون.
کۆماری ئیسلامی ئێران بۆ پەردەپۆش کردنی شکستەکانی خۆی لە ناوخۆی ولات و هەروەها قیزەونبوونی سیمای دەسەڵات و حکوومەتەکەی لە دەرەوە، لە ئەنجامیهیچ جۆرە کردەوەیەکی نامرۆڤانە و دوور لە بەها ئینسانیەکان سڵ ناکاتەوە و مووشەکباران کردنی بارەگای حیزبەکان هەر لەو پێناوە دایە. بەڵام دەبێ کۆماری ئیسلامی ئێران ئەوە بزانێت کە گەلی کورد دەیان ساڵە خەبات دەکات و هەزاران قوربانی داوە کە ئازادی و سەربەستی خۆی بەدەست بێنێت و بە ئەو جۆرە لە هێرش و پەلامار و دڕەندەیی و تاوانە ناتواننێت ئیرادەی نەتەوەکەمان بشکێنێت.
وەک یەکێتیی دیموکراتی کوردستان بەتوندی ئیدانەی تاوانەکانی ڕێژیمی کوماری ئیسلامی دەکەین و خۆمان بە هاوخەمی و هاوسۆزی بنەماڵەی شەهیدان و بریندارانی هەردوو حیزبی دیموکراتی کوردستانی ئێران و حیزبی دموکراتی کوردستانین و سەرەخۆشی لە گەلی کورد و سەرکردایەتی و کادیر و پێشمەرگەکانی هەردوو حیزبی دیموکراتی کوردستان وحیزبی دموکراتی کوردستانی ئێران دەکەین و هیوای زووچاکبوونەوە بۆ بریندارانیش دەخوازین و لە هەمانکاتیشدا ڕوومان لە هێزە سیاسیەکان و گەلەکەمان دەکەین کە یەکێتی نەتەوەیی و یکهەڵوێستیی نەتەوەکەمان دەتوانێت بە سەر دوژمنان و داگیرکەرانی کوردستاندا سەرمانخات و شکست بە دوژمنان بێنێت.
یاد و ناوی شەهیدانی کوردستان بەرز و پیرۆز بێت
یەکێتیی دیموکراتی کوردستان

بگه‌رێوه‌|ئەم بابەتە 3905 جار بینراوە| بینێره‌| چاپ
Facebook| My Yahoo| Twitter| google




start|copyright © 2009 kdpmedia.org|contact