. . . .


13 Jun 2018

پشتیوانیی عوسمان بایدەمیر، لە ڕامین حسێن پەناهی


لە درێژەی پشتیوانی کردن لە لاوی بە دیل‌گیراوی کورد، رامین حسێن‌پەناهی، کە سزای ئێعدامی بەسەر سەپاوە، کەسایەتی ناسراو و یەکێک لە ڕێبەرانی بزووتنەوەی کورد، لە باکووری کوردستان بە هەڵگرتنی وێنەی ڕامین حسێن‌پەناهی، لەو بەندییە سیاسییە پاڵپشتی کرد و خوازیاری هەڵوەشاندنەوەی حوکمی ئێعدام بوو.
عوسمان بایدەمیر لە گرتەڤیدیۆیەک کە بڵاو کراوەتەوە دەڵێ: دڵی ڕامین دڵی هەموو گەلی کوردەو، خاوەنداریەتیی لە ڕامین خاوەنداریەتیی لە جیهانی ئازادە.
شیاوی باسە رۆژ ڕابردووش دەیان کەس لە رۆژنامەنووسان و چالاکانی مەدەنی و سیاسیی کوردی ڕۆژهەڵاتی کوردستان بە نووسینی نامەیەک بۆ سەید عەلی خامنەیی ڕێبەری کۆماری ئیسلامیی ئێران خوازیاری ئەوە بوون کە حوکمی ئێعدامی ڕامین حسێن‌پەناهی هەڵوشێندرێتەوە.

بگه‌رێوه‌|ئەم بابەتە 214 جار بینراوە| بینێره‌| چاپ
Facebook| My Yahoo| Twitter| google




start|copyright © 2009 kdpmedia.org|contact