. . . .


20 May 2018

پەلاماری هێزە چەکدارانی ڕێژیم بۆ سەر کاسبکارانی کورد لە خاکی هەریمی کوردستان


لە درێژەی ڕوادوونانی کاسبکارانی کورد لە سەرسنوور، ئەمڕۆ هێزە چەکدارانی کۆماری ئیسلامی بە پێشلکردنی سنوورەکانی نێوان رۆژهەڵات و باشووری کوردستان،
پایگاکانی ئەو رێژیمە لە کۆڵانە ڕەشکان و دۆڵەمەیدانی پیرانشار پەلاماری کاسبکارانی کورد دەدەن و لە ئاکامی ئەو ڕووداوە، دوو کاسبکاری کورد تا ئێستا گیانیان لە دەست‌داوە.
بە پێی هەواڵێک کە بە دەستمان پاشنێوەڕۆی ئەمـرۆ یەکەشەممە ڕێکەوتی ٣٠ی بانەمەڕ لە درێژەی هێرش و ڕوادوونانی کەسبکاران و کۆڵبەرانی کوردی سەر سنوور، هێزە چەکدارەکانی سپای پاسداران سەرەرۆییانە هێرش دەکەنە سەر کۆمەڵێک کاسبکار و دوای بزاندنی زیاتر لە دە کیلۆمیتر لە خاکی هەرێمی کوردستان تەقە لە کاسبکاران و کاروانچییانی کورد دەکەن و لە ئەنجامی ئەو پەلامارە کەسێک بەناوی “مەیسەم عمویی” خەڵکی ورمێ بریندار دەبێ و پاش گەیاندنی بە نەخۆشخانەیەک لە شاری سۆران(لە هەرێمی کوردستان) لەوێدا گیانی لە دەست‌داوە، هەروەها بە پێی زانیارییەکان کاسبکارێکی دیکەش بە تەقی هێزە چەکدارەکان کوژراوە، کە تائێستا شووناسی بۆ “کوردستان وکورد” روون نەبووتەوە.
شیاوی باسە لەو هێرش و پەلامارەدا زیاتر لە ١٥٠ باری کۆلبەران بە دەستی هێزەچەکدارەکانی ڕێژیمەوە تاڵان کراون و، خەسارێکی زۆریان بە کاسبکارانی کورد گەیاندووە.

بگه‌رێوه‌|ئەم بابەتە 247 جار بینراوە| بینێره‌| چاپ
Facebook| My Yahoo| Twitter| google




start|copyright © 2009 kdpmedia.org|contact