. . . .


13 May 2018

کۆچی‌دوایی باوکی پێشمەرگەیەکی پێشووی حیزب، لە ناوچەی سەردەشت


بە پێی هەواڵێک کە لە ناوچەی سەردەشتەوە بە دەستمان گەیشتوو، رۆژی ٢٠ی بانەمەڕی ٩٧ی هەتاوی کاک محەممەد ئیسماعیلی ناسراو بە خاڵە حەمە وەیسە خەڵکی گوندی قەڵەڕەشەی سەردەشت باوکی پێشمەرگەیەکی دێرین و ئەندامی ئێستاکەی حیزبی دێموکراتی کوردستان بەناوی هاوڕێ حەسەن قەڵەڕەشی لە تەمەنی ٧٢ی ساڵەی‌دا بە هۆی نەخۆشییەوە ماڵاوایی لە ژیان کرد.
خاڵە حەمە خاوەنی بنەماڵەیەکی کوردپەروەر و شۆڕشگێڕی ناوچەی سەردەشت بوو، کە بە هۆی دێموکراتدۆستی و نیشتمانپەروەرییەوە لە ناوچەی سەردەشت بەناوبانگن.
خوالێخۆشبوو ساڵانێک لەئەو پەڕی خەمخۆرییەوە خزمەتی تێکۆشەرانی دێموکراتی کرد و، لە سەردەمی خەباتی چەکداریی و هەروەها لە کاتی گەڕانەوەی تیم و هێزی پێشمەرگە وەکوو کەسێکی دڵسۆز و تێکۆشەر هاوکاریی خەباتکارانی دێموکراتی دەکرد.
شیاوی باسە یەکێک لە کوڕەکانی بەناوی حەسەن قەڵەڕەشی بۆ ماوەی زیاتر لە ١٠ساڵ لە سەنگەری خەبات و تێکۆشان بەرگی پیرۆزی پێشمەرگانەی لە بەر کرد و، چەکی بەرگری هەڵگرت . هاوڕێ حەسەن چەند ساڵێکە وەکوو ئەندامێکی چالاکی حیزب نیشتەجێ دەرەوەی کوردستانە.
باوکی ناوبراو زۆر جار لە لایەن ناوەندە ئەمنییەکان و بەکرێگیراوانەوە بە هۆی پێشمەرگە بوونی کۆڕەکەی ، دەسبەسەر دەکرا و ئازار وئەشکەنجە دەدرا.
بەڵام هیچ کات لەسەر ڕێبازی شەهیدان و ئامانج و ویستی گەلەکەی دڵسارد نەبۆوە.
ڕاگەیاندنی حیزبی دێموکراتی کوردستان بە ئەرکی خۆی دەزانێ ڕێز لە بنەماڵەی سەربەرزی پێشمەرگەکان بگرێ و، هەر بۆیە پرسەو سەرەخۆشی خۆی ئاراستەی بنەماڵەی خاڵە حەمە و بەتایبەتی هاوڕێ حەسەن قەڵەڕەشی دەکا و خۆی بە شەریکی خەمیان دەزانێ.

بگه‌رێوه‌|ئەم بابەتە 9004 جار بینراوە| بینێره‌| چاپ
Facebook| My Yahoo| Twitter| google




start|copyright © 2009 kdpmedia.org|contact