. . . .


9 May 2018

هەڕەشەی ئیدارەی ئیتلاعات، لە مانگرتووانی بانەیی


لە کاتێکدا مانگرتنی دوکانداران و کاسبکارانی بانەیی پێی ناوەتە ٢٥ رۆژەوە ، نە تەنیا بەرپرسان و ناوەندە پێوەندی‌دارەکان گوێیان لەو خەڵکە ڕانەگرتووە، بەڵکوو ئیدارەی ئیتلاعات دەستی داوەتە هەڕەشە و بانگهێشت کردنی مانگرتووان.
بە پێی هەواڵێک کە لە شاری بانەوە بە دەستمان گەیشتووە، دوای ٢٥ رۆژ لە مانگرتنی دوکانداران و بازاڕییانی ناڕازی شاری بانە، ئیدارەی ئیتلاعاتی ئەو شارە لە ڕێگای جۆراوجۆرەوە لەو هەوڵ‌دایە کۆتایی بەو مانگرتننانە بهێنێ و بۆ ئەو مەبەستەش لە هەوڵدایە یەکریزی و یەکگرتووی خەڵک تێک‌بدا.
هەروەها ناوەندە ئەمنییەکان بە بانگ کردن و هەڕەشە و گوشارخستنی سەر دوکانداران و کاسبکاران دەیهەوێ کۆتایی بە مانگرتنیان بهێنێ. بەڵام ئەمرۆ چوارشەممە ١٩ی بانەمەڕ، ئەو مانگرتننانە هەر بەردەوامن.

بگه‌رێوه‌|ئەم بابەتە 84 جار بینراوە| بینێره‌| چاپ
Facebook| My Yahoo| Twitter| google




start|copyright © 2009 kdpmedia.org|contact