. . . .


4 May 2018

لە نۆڕوێژ ئاکسیۆنێک دژ بە بڕیاری ئێعدامی رامین حوسێن پەناهی بەڕێوە چوو


ناوەندی هەواڵ- نۆروێژ: ناوەندی هەواڵ- وەک هەڵوێستێک دژ بە بڕیاری لەداردانی چالاکی سیاسی "رامین حوسێن پەناهی" و پشتیوانی لە ئازادیی زیندانیانی سیاسی لە ئێران، دوانیوەڕۆی رۆژی چوارشەممە ١٢ی بانەمەڕی ١٣٩٧ی هەتاوی، کۆمەڵێک چالاکی سیاسی ئاکسێونێکیان لە شاری ئۆسڵۆی وڵاتی نۆڕوێژ بەڕێوە برد.
لەو ئاکسیۆنەدا کە بەشێک لە ئەندامانی حیزبی دێموکراتی کوردستانیش چالاکانە بەشدار بوون، چالاکانی سیاسی بە هەڵگرتنی وێنەی بەندکراوی سیاسی "رامین حوسێن پەناهی" و دروشمی نا بۆ ئێعدام، وێڕای داوای هەڵوەشانەوەی ئەو سزا ناڕەوایە دژ بەو چالاکە سیاسییە، شەقامی نۆڕوێژیییان لە سیاسەتەکانی کوشتن و ئێعدام و ئەشکەنجەی کۆماری ئیسلامی ئاگادار کردەوە. شایانی باسە ڕامین حوسێن‌ پەناهی، چالاکوانی سیاسیی کوردی خەڵکی گوندی "قوڕیچا"ی سەر بە شاری سنە، بە تۆمەتی هەوڵدان دژی تەناهی نەتەوەیی سزای لەداردانی بەسەردا سەپێندراوە.
ramin-2.jpg

بگه‌رێوه‌|ئەم بابەتە 58 جار بینراوە| بینێره‌| چاپ
Facebook| My Yahoo| Twitter| google




start|copyright © 2009 kdpmedia.org|contact