. . . .


8 Apr 2018

دیداری دۆستانەی کۆمیتەی حدک لە ئوتریش لەگەڵ نوێنەرایەتی هاوپەمانی بۆ دیمۆکراسی و دادپەروەری


ناوەندی هەواڵ- ئۆتریش: لە سەر بانگهێشتی رەسمی نوێنەرایەتی "هاوپەیمانی بۆ دیمۆکراسی و دادپەروەری" یاسین شێخ ساڵح، هەیئەتێکی کومیتەی حیزبی دیموکراتی کوردستان لە وڵاتی ئوتریش پیکهاتوو لە هاوڕێیان مەحەممەدی فەقێ عەلی، ئومید خزنژاد و ئەرسەلان عەبدی ، ڕۆژی شەممە ڕێکەوتی ٧ی ئاوریلی ٢٠١٨ی زایینی، کۆبوونەوەیەکی دۆستانەیان لەگەڵ نوێنەری ئەو قەوارە سیاسییەی باشووری کوردستان ڕێکخست. سەرەتا لە لایەن کاک یاسین شێخ ساڵح بەخێرهاتنی هاوڕێیان کراو لە باسێکی کورت و پڕ نێوەرۆک دا، هاوپەیمانی و هۆ و زەرورەتی دامەزرانی و هزو بیر و بەرنامەکانی هاوپەیمانی بۆ هەیئەتی حیزبمان باس کرد. بەڕیزیان هیوای خواست کە حیزبی دیمۆکراتی کوردستان وەک حیزبێکی خاوەن مێژویەکی دێرین و پاک لە کارو بارە نەتەوایەتیەکانی کە لە وڵاتی ئوتریش بەڕێوەدەچن، هەروا دەوری خۆی بگێڕێ و هاوپەیمانیش بتوانێ دۆستێکی نیزیکی ئەو حیزبە بێ و ئەگەر پێویست بوو لە چوارچێوەی هاوکاری هێزەکوردستانیەکان دا بە یەکەوە و بۆ بردنە پێشی دۆزی ڕەوای گەلەکەمان هاوکاری یەکتری بکەن. پاشان لە لایەن نوێنەرایەتی کۆمیتەی حدک لە ئوتریش پیرۆزبایی دمەزرانی ئەو هاوپەیمانیە کراو هیوای خواست، کە وەک هەر چۆن ناوەکەی هاوپەیمانیە، هەرواش ببێتە بنەمایەکی هاوپەیمانی بۆ تێکڕای هێزە کوردستانیەکان و بۆ ئەوەی هاوپەیمانیەکی گشتی نەتەوەی لە هەموو هێزەکوردستانیەکان پێک بێ و ئەو هاوپەیمانیە بتوانێ نوێنەرایەتی کورد لە سەر ئاستی سیاسەتی نێونەتەوەی بکات. نوێنەرایەتی حیزب لە باسێکی کورتیش دا دامەزرانی حیزب و ریکخراو بە بیروڕای جیاوازی لە ئەسڵ دا وەک خاڵێکی ئەرێنی باسکرد و لە سەر ئەوەش پێداگری کردەوە کە تا بیرو ڕای جیاوازیش نەبێ، ناتوانێ دیمۆکراسیش مانای ڕاستە قینەی خۆی بدات.

حیزبی دیموکراتی کوردستان- کومیتەی ئوتریش
hdk-dadoarwari1.jpg

بگه‌رێوه‌|ئەم بابەتە 353 جار بینراوە| بینێره‌| چاپ
Facebook| My Yahoo| Twitter| google




start|copyright © 2009 kdpmedia.org|contact