. . . .


27 Mar 2018

بەڕێوەچوونی جێژنی نەورۆز لە لایەن کوردانی دانیشتوویی دەڤەری واشنگتۆن،ی پایتەختی ئەمریکا


‎٢٤ی مارسی ٢٠١٨ له‌ ده‌ڤه‌ری واشنگتۆن،ی پایتەختی وڵاتە یەکگرتووەکانی ئەمریکا، شه‌وئاهه‌نگێك بۆ پیرۆز كردنی جه‌ژنی نه‌ته‌وه‌یی نه‌ورۆز له‌ لایه‌ن كوردانی ڕۆژهه‌ڵاتی كوردستان به‌ڕێوه‌چوو كه‌ تێیدا خه‌ڵكی ئه‌م ده‌ڤه‌ره‌ به‌ده‌ر له‌ ڕه‌نگ و ئینتیمای حیزبی به‌شدارییان كرد و ده‌سپێشخه‌ری به‌ڕێوه‌بردنی به‌رنامه‌كه‌ بوون بۆ پته‌وتر كردنی په‌یوه‌ندییه‌كان. ‎سه‌ره‌تای به‌رنامه‌كه‌ بە چەند وتەیەکی كاك محه‌ممه‌د داستان بەڕیوەبەری ڕیورەسمەکە و سروودی نه‌ته‌وایه‌تی ئه‌ی ڕه‌قیب و ڕاگرتنی خوله‌كێك بێده‌نگی بۆ گیانی پاكی شه‌هیدانی ڕێگای ڕزگاری كوردستان دەستی پێکرد. سروودی خوایه‌ وه‌ته‌ن ئاوا كه‌ی، بڕگه‌یه‌كی تری به‌رنامه‌كه‌ بوو كه‌ به‌ شێوه‌یه‌كی کۆمەڵ لە لایەن ئاماده‌بووانەوە گوترایەوە. دواتر په‌یامی نه‌ورۆزی له‌ لایه‌ن كاك مراد ئه‌حمه‌دی خوێندرایه‌وه‌. کاک مراد باسێکی لە مێژوی نەورۆز و ئاگری نەورۆز کرد کە چۆن گەلی کورد لەگەڵ ھاتنی نەورۆز خۆی نوێ دەکاتەوە و بەگژ داگیرکەران دا دەچێتەوە. دوژمنان ھەمیشە رێگرن لە بەرێوەبردنی نەورۆز و کوسپ دەخەنە بەردەمی چالاکانی ناوخو و زۆر بێ بەزەیانە بە ھەموو کەرەستەیەک کە لە بەر دەستیانە کوردانی پێ سەرکووت دەکەن، بەلام ئەوسال دیتمان کە گەلی کورد لە رۆژھەڵاتی نیشتیمان چۆن یەکگرتوانە بە ھیماکانی کوردەواری زۆر چاو نەترسانە ئەو رۆژە پیرۆزەیان بەرز راگرت. لە دوابه‌شی به‌رنامه‌كه‌دا مه‌هتاب خانم سه‌روه‌ری په‌خشانێكی له‌سه‌ر چه‌مك و مانای نه‌ورۆز پێشكه‌شی ئاماده‌بووان كرد. ‎شایانی باسه‌ ئه‌م كۆبوونه‌وه‌یه‌ی كوردانی ڕۆژهه‌ڵاتی كوردستان به‌ مه‌به‌ستی لێكتر نیزیك كردنه‌وه‌ی سه‌رجه‌م خه‌ڵك له‌ باری كۆمه‌ڵایه‌تی و به‌ تایبه‌تی ئه‌ندامان و لایه‌نگرانی ته‌واوی حیزبه‌كان بوو. بێگومان ڕووحی هاوكاری و دۆستایه‌تی نێوان هه‌موو لایه‌ك یارمه‌تیده‌ره‌ بۆ به‌ره‌وپێش بردنی خه‌بات و ئامانجه‌كانمان.

وێنەکانی ئەو ڕێورەسمە لێرەوە ببینە

بگه‌رێوه‌|ئەم بابەتە 129 جار بینراوە| بینێره‌| چاپ
Facebook| My Yahoo| Twitter| google




start|copyright © 2009 kdpmedia.org|contact