. . . .


8 Mar 2018

فڕاکسیۆنی گۆڕان تێرۆری قادر قادری، کادری حیزبی دێموکراتی مەحکوم کرد


فراكسیۆنی گۆڕان لە پاڕلمانی هەرێمی کوردستان بە بڵاوکردنەوەی بەیاننامەیەک ڕووداوی تیرۆركردنی قادر قادری، کادری حیزبی دێموکراتی کوردستانی مەحکووم کرد و داوای لە دەزگا ئەمنیەتییەكانی ھەولێر و سلێمانی کردوە ئەنجامدەرانی ئەو کردەوە تیرۆرستییانە بدۆزنەوە و، بە سزای یاسایی خۆیانیان بگەیەنن.
فراکسیۆنی گۆڕان دەڵێ حكومەتی ھەرێمی کوردستان پابەندە بە پاراستنی گیان و سەروماڵی هەموو ئەوانەی نیشتەجێی هەرێمی کوردستانن.

دەقی بەیاننامەکەی فراكسیۆنی گۆڕان لەسەر تیرۆركردنی كادرەکانی حیزبی دێموكراتی كوردستان
بەناوی فراكسیۆنی گۆڕان لە پەرلەمانی كوردستان، ئیدانەی تیرۆركردنی كادیری حیزبی دیموكراتی كوردستان قادر قادری دەكەین، لە ھەمان كاتدا ئیدانەی ئەو كارە تیرۆرستییەش دەكەین كە ماوەی ڕابردوو لە ھەولێر بەرامبەر كادیرێكی ھەمان حیزب ئەنجامدرا.
داوا لە دەزگا ئەمنیەكانی ھەولێر و سلێمانی دەكەین ئەنجامدەرانی ئەم دو كردەوە تیرۆرستییە بدۆزنەوە و بە سزای یاسایی خۆیان بگەیەندرێن.
حكومەتی ھەرێم پابەندە بە پاراستنی گیان و سەروماڵی دانیشتوانی ھەرێمی كوردستان.
فراكسیۆنی گۆڕان لە پەرلەمانی كوردستان
٧/٣/٢٠١٨

بگه‌رێوه‌|ئەم بابەتە 143 جار بینراوە| بینێره‌| چاپ
Facebook| My Yahoo| Twitter| google




start|copyright © 2009 kdpmedia.org|contact