. . . .


12 Feb 2018

خۆپیشاندانی نەیارانی ڕژیمی ئیسلامی ئێران لە بێرنی وڵاتی سویس، لە ٣٩ ساڵەی بە دەسەڵات گەشتنی ئەو حکومەتە دا


ناوەندی هەواڵ- سویس: له‌ ٣٩ ساڵه‌ی هاتنه‌ سه‌رکاری کۆماری ئیسلامیدا، ڕۆژی شه‌ممه‌ ڕێکه‌وتی ١٠ی فێورییەی ٢٠١٨ی زایینی کۆمیته‌ی حیزبی دێموکڕاتی کوردستان، له‌ وڵاتی سویس، به هاوکاری به‌شێک له‌ ئۆپۆزیسیۆنی کوردی و ئێرانی خۆپێشاندانێکیان به‌ دژی هاتنه‌ سه‌رکاری کۆماری په‌ت و سێداره‌، له‌ کازینۆ پلاتسی شاری بێرن رێکخست.
خۆ پێشاندان له‌ کاتژمێر ٢ی دوانیوه‌ڕۆ به‌ خوێندنه‌وه‌ی په‌یامی ئه‌حزابی دژی کۆماری ئیسلامی له‌ کازینۆ پلاتس ده‌ستی پێ کرد.
له‌ په‌یامی حیزب و ڕێکخراوه‌کان دا گرفت و کێشه‌ی سیاسی خه‌ڵکی ئێران و ڕه‌وشی مافه‌کانی مرۆڤ و زیندانیانی سیاسی و هه‌روه‌ها خۆپێشاندانه‌کانی ئه‌و دواییانه‌ی خه‌ڵکی وه‌زاڵه‌هاتوو له‌ ئێران، به‌ڕوونی ڕه‌نگی دابووەوە.
په‌یامی ناوه‌ندی هاوکاری حیزبه‌کانی کوردستانی ئێران، به‌شی فارسی له‌ لایه‌ن هاوڕێ کاک کاروان شێخ محه‌مه‌دی خوێندرایه‌وه‌. دواتر له‌ لایه‌ن هاوڕێ کاک خوسره‌و خزری، په‌خشانێکی حه‌ماسی پێشکه‌ش به‌ ئاماده‌بووان کرا.
شایه‌نی باسه‌ له‌م خۆپێشاندانه‌دا چه‌ندین دروشم دژی هیزه‌ سه‌رکوتکه‌ره‌کانی نیزامی په‌ت و سێداره‌ی ئێران دران و تا دره‌نگانێک درێژه‌ی کێشا. دواتر هاوڕێیانمان بۆ مه‌حکووم کردنی هێرشه‌کانی حکومه‌تی تورکیه‌ بۆ سه‌ر عه‌فرین،ی ڕۆژئاوای کوردستان، تێکه‌ڵ به‌ ئاپۆڕای خوشکوو برایانمان بوون که‌ خۆ پێشاندانیان به‌ دژی سه‌ره‌ڕۆییه‌کانی ده‌وڵه‌تی تورک له‌ به‌ر ده‌رگای پارلمانی سویس، ڕێکخستبوو. پێویست به‌ ئاماژه‌یه‌ هاوڕێ زاهیر قادر حاجی به‌رپرسی کۆمیته‌ی حیزب له‌ سویس، وتارێکی پێشکه‌ش به‌ ئاماده‌بووان کرد.

حیزبی دێموکڕاتی کوردستان- کۆمیته‌ی سویس
وێنەکانی ئەو خۆپیشاندانە لێرەوە ببینە

بگه‌رێوه‌|ئەم بابەتە 582 جار بینراوە| بینێره‌| چاپ
Facebook| My Yahoo| Twitter| google




start|copyright © 2009 kdpmedia.org|contact