. . . .


6 Feb 2018

بەڕێوەچوونی خۆپێشاندانێک کە بەمەبەستی ناڕەزایەتی دەربڕین دژ بە لەسێدارەدانی "رامین حسێن پەناھی" و "ھیدایەت عەبدوڵڵاپوور" لە شاری ستۆکهۆڵم


ناوەندی هەواڵ- سوید: کاتژمێر ۱۲ی نیوەڕۆی رۆژی شەممە رێکەوتی ۳ی فێبریەی ۲۰۱۸ی زایینی کۆمەڵێک لە چالاکانی سیاسی و مەدەنی کورد و نەتەوەکانی دیکەی ئێران، لەسەر داوای کەمپەینی پشتیوانی کردن لە "رامین حسێن پەناھی" و "ھیدایەت عەبدوڵاپوور" لە مەیدانی "سێرگێل ستۆری" شاری ستۆکھۆڵم پێتەختی وڵاتی سوئێد ئاکسێۆنێکی ناڕەزایەتی دربڕینیان دژ بە لەسێدارەدان لە لایەن کۆماری ئیسلامی ئێرانەوە بەڕێوەبرد.
بۆ دەربرینی دەنگی هاوخەمی و هاوخەباتی و پشتیوانی، لەلایەن کۆمیتەی سوئێدی حیزبی دیموکراتی کوردستان،ەوە هاورێیان، کاک ئەمین رەشیدی، کاک فاروق رەحمانی و کاک سیاوش قوی پنجە بەشداری ئەوە خۆپیشاندانەیان کرد. بەشداربووان لەم خۆپێشاندانەدا وێڕای پشتیوانی کردن "رامین حسێن پەناھی " و "ھیدایەت عەبدوڵڵاپوور" بە دانی دروشمی جۆراوجۆر و بڵاوکردنەوەی تراکت، ناڕەزایەتی خۆیان لە دژی لەسێدارەدان لە ئێران بە گشتی و لەسێدارەدانی چالاکانی سیاسی و مەدەنی لە کوردستان بەتایبەتی راگەیاند. شایانی باسە کوردانی دانیشتووی چەندین وڵاتی ئەوروپایی لە سەر داوای کەمپەینی پشتیوانی کردن لە "رامین حسێن پەناھی" و "ھیدایەت عەبدوڵلاپوور" و لە ماوەی حەفتەی ڕابردوو دا چەندین خۆپیشاندان و کۆبوونەوە ناڕەزایی دەربڕین،یان دژ بە لەسێدارەدان بەڕێوەبردووە.
حیزبی دیموکراتی کوردستان- کومیتەی سوید
stockholm2-2018.jpg

بگه‌رێوه‌|ئەم بابەتە 217 جار بینراوە| بینێره‌| چاپ
Facebook| My Yahoo| Twitter| google




start|copyright © 2009 kdpmedia.org|contact