. . . .


9 Sep 2009

به‌شداریی کۆمیته‌ی ئوتریش له‌ فیستڤاڵی ساڵانه‌ی حیزبی کۆمنیستی ئ


ناوه‌ندی هه‌واڵ: له‌ ڕۆژه‌کانی 5 و 6ی مانگی سێپتامبر فیستڤاڵی ساڵانه‌ی حیزبی کۆمونیستی ئوتریش له‌ شاری ڤییه‌ن پێته‌ختی ئه‌م وڵاته‌ به‌ به‌شداریی سه‌دان ستاندی جۆراوجۆر به‌ڕێوه‌چوو.

هاوڕێیانی حیزبی دیمۆکڕاتی کوردستان له‌ کۆمیته‌ی ئه‌م وڵاته‌ به‌ پشتیوانی و هاوکاری دۆستان و لایه‌نگرانی حیزبی دیمۆکراتی کوردستان به‌ پێکهێنانی ستاندی تایبه‌ت، چالاکانه‌ له‌و فیستیڤاڵه‌ دا به‌شدار بوون. ستاندی کۆمیته‌ی حدک له‌ ڕێزی ئه‌و‌ ستاندانه دابوو که‌ ‌ سرنجی خه‌ڵکانێکی یه‌کجار زۆری بۆ لای خۆی ڕاکێشابوو.

له‌و فیستیڤاڵه‌دا‌ ده‌یان ئاڵای کوردستان که‌ له‌ لایه‌ن کیژۆڵه‌ی ده‌ستره‌نگین هانا نه‌سیری ئاماده‌ و پێشکه‌شی ستاندنی کومیته‌ی حیزب کرابوو، له‌ ناو خه‌ڵک دا بڵاو کرانه‌وه‌.

له‌ ماوه‌ی دوو ڕۆژ کاری ستاندی کۆمیته‌ی حیزبی دیمۆکرات، ستاند نه‌ک هه‌ر سرنجی ئه‌و ده‌یان هه‌زار خه‌ڵکه‌ی بۆ لای خۆی راکێشا که‌ رۆژانه‌ سه‌ردانی فیستیڤاڵه‌که‌یان ده‌کرد به‌ڵکو ببو به‌ مه‌کۆیه‌ک بۆ دیدار و حه‌سانه‌وه‌ی کوردانی دانیشتووی ئه‌و وڵاته‌ که‌ له‌ ماوه‌ی ئه‌م دوو ڕۆژه‌دا سه‌ردانی ستاندی کۆمیته‌یان کرد. به‌شێکی زۆریش له‌و که‌سانه‌ دڵسۆزانه‌ له‌ ڕاپه‌ڕاندنی کاروباره‌کاندا به‌شداریان کرد که‌ بوو به‌ مایه‌ی خۆشحاڵی ئه‌ندامانی کۆمیته‌و دۆستانی حیزب.

هه‌روه‌ها له‌ ماوه‌ی کاری ئه‌م فیستیڤاڵه‌دا تێکۆشه‌رانی دیمۆکرات توانیان له‌ گه‌ڵ سه‌دان که‌س ڕاسته‌وخۆ بکه‌ونه‌ باس و لێدوان و له‌ هه‌موی ئه‌و په‌یوه‌ندیانه‌دا، ئاگاداری پێویستیان له‌ سه‌ر کوردستان، هه‌ڵسوکه‌وتی نامرۆڤانه‌ی رێژیمی کۆماری ئیسلامی ئێران سه‌باره‌ت به‌ ڕۆڵه‌کانی ئه‌م گه‌له‌ و سیاسه‌ته‌کانی حیزبی دێموکراتی کوردستان به‌ ئاگاداریی خه‌ڵکی خوازیار گه‌یاند.

شیاوی باسه‌ که‌ ژنانی تێکۆشه‌ری کورد وه‌ک ئه‌ندام، دۆست یان لایه‌نگری حیزب چالاکانه‌ بۆ راپه‌راندنی کاره‌کانی ستاندی حیزب ‌تێکۆشان و به‌ ماندوبونی خۆیان توانیان ڕه‌سه‌نایه‌تی کولتور و ده‌وڵه‌مه‌ندیی فه‌رهه‌نگی نه‌ته‌وه‌که‌یان نیشانی به‌شداران بده‌ن. ستاندی حیزب یه‌کێک له‌ ڕازاوه‌ترین ستانده‌کان بو‌ که‌ به‌ چه‌ندین ئاڵای پیرۆزی کوردستان و به‌ ئاڕمی حیزب به‌ شێوه‌یه‌کی زۆر جوان ڕازابۆوه‌.

له‌ کۆتایی دا کۆمیته‌ی ئوتریش به‌ ئه‌رکی سه‌رشانی خۆی ده‌زانێ که‌ سوپاس و پێزانی خۆی بۆ ئه‌و هه‌موو هاوکاری و ماندوو بوونه‌ی ئه‌ندامان و لاینگران و دۆستانی حیزب ده‌رببڕێت. دڵنیاین تا گه‌لی کورد و حیزبی دیمۆکرات خاوه‌نی پشتیوانی گه‌رموگوڕی ئێوه‌ی تێکۆشه‌ر بێت هیچ کات و ساتێک له‌ هیچ ته‌نگ و چه‌ڵه‌مه‌یه‌ک نانه‌وێت.
حیزبی دیمۆکراتی کوردستان
کۆمیته‌ی ئوتریش
fistivali-c-p.jpg
fistivali-c-p2.jpg

بگه‌رێوه‌|ئەم بابەتە 1207 جار بینراوە| بینێره‌| چاپ
Facebook| My Yahoo| Twitter| google




start|copyright © 2009 kdpmedia.org|contact