. . . .


17 Dec 2017

بەرێوەچوونی سێمینارێک لە لایەن کۆمەڵەی کولتووری کوردی لە نۆروێژ


ناوەندی هەواڵ- نۆروێژ: سێمینارێک لە لایەن کۆمەڵەی کولتووری کوردی بۆ هەریەک لە بەڕێزان هاشم رۆستەمی و سۆران شێرزاد بە بۆنەی رۆژی پێشمەرگەی کوردستان و هەڵکرانی ئاڵای کوردستان پێکهات.
سەر لە ئێوارەی رۆژی هەینی سێمینارێک لە لایەن کۆمەڵەی کولتووری کوردییەوە بەرێوە چوو سەرەتای سێمینارەکە بە چەند ساتێک وەستان بۆ گیانی پاکی شەهیدانی کوردستان دەستی پێکرد دواتر بەرێوبەری سێمینارەکە داوای لە کاک هاشم کرد باسەکەی پێشکەش بکات.
باسەکەی بەرێز کاک هاشم باسێکی پوخت بوو لە سەر دەور و نەخش پێشمەرگە و مێژووی پێشمەرگە. باسەکەی سۆران شێرزاد هەڵسەنگاندنێکی کارەساتی دەسکردی باشوور و کارەساتی سروشتی و دەرفەت خوڵقێنی خەڵکی رۆژهەڵات لەو کارەساتە بوو کە لە چەشنی خەباتێکی مەدەنی و فرە رەهەند خۆی دەرخست. مامۆستا سالار کەسایەتی سەربەخۆ چەند وتەیەکی کورتی لە سەر ئەو رۆژە پیرۆزە پێشکەش کرد. دواتر پێشمەرگەی دێرین حەسەن غەمبار پەخشانێکی حیماسی بە هەست و سۆزی پێشکەش کرد کە سەرنجی بەشداربووانی بۆلای خۆی راکێشا.
هونەرمەندانی دەنگخۆش کاک هێدی قادری، کارۆخ خزری و کاک حوسێن تەوازع چەند پارچە سرووێکیان بەو بۆنەوە پێشکەش بە بەشداران کرد.

حیزبی دیموکراتی کوردستان- کومیتەی نۆروێژ

وێنەکانی ئەو سمینارە لێرەوە ببینە

بگه‌رێوه‌|ئەم بابەتە 167 جار بینراوە| بینێره‌| چاپ
Facebook| My Yahoo| Twitter| google




start|copyright © 2009 kdpmedia.org|contact