. . . .


10 Sep 2017

بەڕێوە چوونی ئاکسیۆنێک بە دژی کوشتاری کۆڵبەران و پشتیوانی لە خۆپیشاندانی شارەکانی ڕۆژهەڵاتی کوردستان لە وڵاتی ئاڵمان


ناوەندی هەواڵ- ئاڵمان: ڕۆژی شەممە ۹ی سیپتامبر ۲٠۱۷ی زایینی، ئاکسیونێک لە شاری کوڵن،ی (ئاڵمان ) بۆ دەربرینی نارەزایەتی بە دژی کوشتنی کۆڵبەرانی کورد و پشتیوانی لە بزوتنەوەی جەماوەری کوردستانی رۆژهەڵات لەوانە شارەکانی بانە،سنە و مەریوان لە لایەن هێزە سیاسیەکانی کوردستان بە رێوە چوو. سەرەتای بەرنامەکە لە لایەن هاورێ سوهەیلا بابەک پێشکەشکاری بەرنامەکە بە کورتە پەخشانێک و هەروەها بە خێرهاتنی بەشدار بووان دەستی پێکرد. دواتر بۆ رێزگرتن لە گیانی پاکی ئەو دوو کۆڵبەری شاری بانە و هەموو ئەو ئینسانانەی کە لە پێناو بەدەستهێنانی ماڤە رەواکانی خۆیان گیانیان بەخت کرد و بە گشتی هەموو گیانبەختکردوانی بزوتنەوەی رزگاریخوازی گەلی کورد چەند ساتێک بێدەنگی راگەیندرا. پاشان پەیامی کومیتەی هێزە سیاسیەکان بە زمانی ئاڵمانی لە لایەن هاورێ ئارێز خوێندرایەوە. دواتر لە لایەن هاورێ وریاوە قسە و باسێک بە زمانی ئاڵمانی لە سەر باروودۆخی کۆڵبەران لە کوردستان پێشکەش کرا. لە درێژەی بەرنامەکەدا سرودێک و پارچە موسیقایەک لە لایەن هاورێ سانان محەمەدی بە رێوە چوو. پاشان پەیامی هێزە سیاسیەکان لە لایەن هاورێ سوهەیلا بابەک خوێندرایەوە، دواتر هاورێ سوڵتان گوڵاوی بە زمانی ئاڵمانی لە سەر کۆڵبەران قسە وباسێکی پێشکەش کرد. لە لایەن بەرێز سیاوەش محەمەدی چەندین دروشم بە زمانی ئاڵمانی پێشکەش کرا و بە دوای ئەو دا کاک مارتین بە زمانی ئاڵمانی قسە و باسێکی پێشکەش بە بەشداربووان کرد. لە درێژەی بەرنامەکەدا رەپێکی کوردی لە لایەن بەرێز هەژیر سەبارەت بە کۆڵبەران پێشکەش کرا و دواتر هاورێ شۆرش کەریمی قسە و باسێکی بە زمانی کوردی پێشکەش کرد. لە لایەن بەرێزان فەواز بێرجمانی ئەندامی پارتی دیموکراتی کوردستان (رۆژئاوا) و کاک عەلی ئەندامی پارتی سوسیالیستی کوردستان قسە و باسێکیان بە زمانی کرمانجی پێشکەش کرد. بەرنامەکە بە پارچە موسیقایەک کۆتایی پێهات.
کومیتەی هێزە سیاسیەکانی کوردستانی رۆژهەڵات پێکهاتوو لە:
- حیزبی دیموکراتی کوردستان
- حیزبی دیموکراتی کوردستانی ئێران
- کۆمەڵەی شۆرشگێری زەحمەتکێشانی کوردستانی ئێران
- کۆمەڵەی زەحمەتکێشانی کوردستان
- پارتی ئازادی کوردستان

کومیتەی حیزبی دیموکراتی کوردستان- ئاڵمان
وێنەکانی ئەو خۆپیشاندانە لێرەوە ببینە

بگه‌رێوه‌|ئەم بابەتە 130 جار بینراوە| بینێره‌| چاپ
Facebook| My Yahoo| Twitter| google




start|copyright © 2009 kdpmedia.org|contact