. . . .


6 Apr 2017

هەڵکردنی ئاڵای کوردستان و پرسی ڕیفڕاندۆم لە باشووری کوردستان


دوابەدوای دەنگدانەوە و کاردانەوەکانی هەڵکردنی ئاڵای کوردستان لە شاری کەرکووک پرسی گرینگی ڕیفراندۆم بە مەبەستی سەربەخۆیی بووتە رۆژەفی سیاسی ئەو بەشە لە کوردستان.
میدیاکانی ناوچە بەتایبەتی چەند ڕاگەیاندنی سەر بە کۆماری ئیسلامی بە پلان و سیاسەتی میدیایی خۆیان لە سەر ئەو پرسە کوردستانییە هەواڵ و ڕاپۆرتیان بڵاوکردوتەوە و نیشان لەوەیە هەرچەشنە ئاڵۆگۆرێک لە هەر کام لە بەشەکانی کوردستان بەسەر سیاسەت و روانگەی زلهێزانی دەراوسێ کوردستان کاریگەریی دادەنێ.
لە هەڵوێستیێکی دیکەدا سەبارەت بە پرسی سەربەخۆیی هەرێمی کوردستانەوە وەزارەتی دەرەوەی ئەمریکا، هەڵوێستی خۆی لەبارەی ئەنجامدانی ڕیفراندۆم و سەربەخۆیی هەرێمی کوردستانەوە بە ئێن ئاڕ تی ڕاگەیاند و دەڵێت “هەڵوێستی ئێمە ئەوەیە کار بۆ عێراقێکی یەکگرتووی فیدراڵی گەشەسەندوو بکەن”.
بەڵام لە هەڵوێستەکەی ئەمریکا دژایەتییەکی توند لە وێستی سیاسی کوردەکان نەکراوە و هەڵوێست گرتن کەسایەتییە سیاسییەکانی عێراق لە هەمبەر هەڵکردنی ئاڵای کوردستان لە کەرکووک زیاتر دەبێ، تازە ترین کاردانەوەکان عەمار حەکیم،بەرپرسی ئەنجومەنی باڵای شێعەکانی عیراقییش لەوبارەوە گوتویەتی؛ دەبێ لە زووترین کات ئاڵای کوردستان لە دامودەزگاکانی شاری کەرکووک بێتە خوارەوە.
لە لایەک دیکەش وە دەنگ هاتن و تووڕە بوونی دوو دەوڵەتی تاران و ئەنکارا لە هەمبەر هەڵکردنی ئاڵای کوردستان لە کەرکووک و پرسی سەربەخۆیی هەرێمی کوردستان هاوکێشە سیاسییەکانی ئەو بەشە لە کوردستانی ئاڵۆزتر کردووە،
هەربۆیە هاوهەڵوێستی و نزیکبوونەوەی زیاتر لایەنە سیاسییەکان دەتوانێ ببێتە پەرچەکردارێک بەرانبەر بە هەڕەشەکانی ئێران و تورکیە.
هەروەها ویست وئیرادەی خەڵکی باشووری کوردستان دەتوانێ ڕەوتی داواکارییەکان خێراتر بکا ، بەتایبەتی کە جیا لە خەڵکی باشوور ، خەڵکی پارچەکانی دیکەی کوردستان دەنگی خۆیانیان خستۆتە پاڵ دەنگی ئەوانەوە.
لە یەکەم چرکەساتی بڕیاری ئەنجومەنی پارێزگای کەرکووک هەڵکردنی ئاڵای کوردستان و نارەزایەتی هێندێک لایەن ، خەڵکێکی بەرفراوان لە کوردانی ناوچە جیاجیاکانی کوردستان لە تۆڕەکۆمەڵایەتییەکان پشتیوانی خۆیانیان لە ئاڵای کوردستان و کەرکووکی کوردستان دەربڕێ.
لە تازەترین هەڵوێست بڕیار بۆ گەیاندنی دەنگی مافخوازانەی گەلی کورد بە جیهان بەشێوەیەکی ڕێکوپێک لە تۆڕی کۆمەڵایەتی تویتەر گەردەلوولی تویتەری وەڕ بخرێ و لەو رێگایەوە لە مافی ڕەوای ریفڕاندۆم و سەربەخۆیی بۆ هەرێمی کوردستان پشتیوانی بکرێ.

بگه‌رێوه‌|ئەم بابەتە 125 جار بینراوە| بینێره‌| چاپ
Facebook| My Yahoo| Twitter| google




start|copyright © 2009 kdpmedia.org|contact