. . . .


10 Mar 2017

بە بۆنەی رۆژی نێونەتەوەیی ژنان لە ناوچە "ئۆسفۆڵد"ی نۆروێژ سیمێنار??


ناوەندی هەواڵ- نۆروێژ: بە بۆنەی ٨ی مارس، رۆژی نیونەتەوەیی ژنان، یەکیەتی ژنانی دێموکراتی کوردستان لە ناوچەی "ئوسفؤلد"ی نۆڕوێژ، سمیناریکی بۆ دوو چالاکی بواری ژنان پێک هێنا. رۆژی چوارشەممە ٨ی مارس ٢٠١٧ی زایینی، لە شاری "رۆدە"ی پارێزگای "ئوسفۆڵد"، یەکێتی ژنانی دێموکراتی کوردستان سمینارێکی پێک هێنا. سەرەتا لە لایان خاتوو "نیان هەمزەیی"" بەڕێوەبەری سیمینارەکەوە بەخێرهاتنی بەشداران کرا و هاوکات پیرۆزبایی ئەم رۆژەی لە هەموو ژنانی جیهان بە گشتی و ژنانی کوردستان و ناو سەنگەری خەبات بە تایبەتی کرد. ئەوجار خاتوو "نازێ عەلیدوست" بەرپرسی کومیتە ناوچەی "ئۆسفۆڵد"ی یەکیەتی ژنانی دێموکراتی کوردستان وێڕای پیرۆزبایی لە سەرجەم ژنانی کوردستان، باسێکی کورتی سەبارەت بەم رۆژە پێشکەش کرد. لە یەکەم تەوەری سمینارەکەدا، خاتوو "شکۆفە قادرسوری"، لەسەر دۆخی کار و دامەزرانی ژنانی خوێندەوار لە ئێران و کوردستاندا، لە روانگەیەکی خەسارناسانەوە ئاوڕێ لە کۆمەڵێک بابەت و دەرهاویشتە دایەوە و هەڵوەستەی لەسەر کردن. لە دووەم تەوەری ئەو سمینارەکەشدا، خاتوو "ئەوین رۆستەمی" بابەتێکی سەبارەت بە پەروەردە، سەرچاوەی ئازادی تاک، یەکسانی رەگەزی مێینە و نێرینەی هێنایەبەر باس و بۆ هەر بوارەی شیکاری خۆی بۆ کردن. دوابەدوای پێشکەشکردنی ئەو دوو تەوەرە، ئامادەبووان چالاکانە لە باسەکاندا بەشدارییان کرد و بە ورووژاندنی پرسیار و وەڵام وەرگرتنەوە و لێکدانەوەکانی خۆیان، سمینارەکەیان دەوڵەمەندتر کرد.

یەکیەتی ژنانی دێموکراتی کوردستان- نۆروێژ
وێنەکانی ئەو سمینارە لێرەوە ببینە

بگه‌رێوه‌|ئەم بابەتە 322 جار بینراوە| بینێره‌| چاپ
Facebook| My Yahoo| Twitter| google




start|copyright © 2009 kdpmedia.org|contact