. . . .


26 Dec 2016

بەڕێوەچوونی کۆڕیادێک بۆ شەهیدانی یەلدای خوێناوی لە وڵاتی ئاڵمان


ناوەندی هەواڵ- هەواڵ: کۆمیته‌ی حیزبی دێموکڕاتی کوردستان له‌ ئاڵمان ڕۆژی ٢٥-١٢-٢٠١٦ ی زایینی بۆ ڕێزلێنان له‌ شه‌هیدانی کرده‌وه ‌تێرۆریستیه‌که‌ی کۆماری ئیسلامی ئێران له‌ شه‌وی یه‌ڵدای خوێناویدا کۆڕێکی پرسه‌وهاوخه‌می بۆ ئه‌م شه‌هیدانه‌ پێک هێنا. له‌م ڕێ وڕه‌سمه‌دا که‌ ژماره‌یه‌کی به‌رچاوی کوردانی دانیشتووی ئاڵمان له‌ هه‌ر چوارپارچه‌ی کوردستان تییدا به‌شدار بوون،دوای به‌خێرهێنانی به‌شداران،به‌ سروودی نه‌ته‌وایه‌تی و شه‌هیدان ڕێوڕه‌سمه‌که‌ ده‌ستی پێکرد. له‌ سه‌ره‌تادا کاک خالید حسن پوور ئه‌ندامی ڕێبه‌ری حیزب وتارێکی پێشکه‌ش کرد.به‌رێزیان له‌ وته‌کانیدا وێڕای ئاوڕدانه‌وه‌ له‌ چۆنیه‌تی کرده‌وه‌ تێرۆریستیه‌که‌ باسی له‌م هۆکارانه‌ کرد که‌ بوونه‌ته‌ هۆی ئه‌وه‌ که‌ حیزبی ئێمه‌ بێ هیچ شک و گومانێک کاربه‌ده‌ستانی کۆماری ئیسلامی ئێران وه‌ک عامیلی ئه‌م کرده‌وه‌ تیرۆریستیه‌ ده‌ست نیشان بکات.هه‌روه‌ها به‌ ئاوردانه‌وه‌ له‌ سه‌ر ڕووداوه‌کانی ناوچه‌ به‌ گشتی و کوردستان به‌ تایبه‌تی پێداگری له‌سه‌ر ئه‌وه‌ کرده‌وه‌ که‌ مێژوو نیشانی داوه‌ ئێمه‌ که‌ بۆ مافی ڕه‌وای گه‌له‌که‌مان خه‌بات ده‌که‌ین،هیچ کات تێرۆر و ڕه‌شه‌کوژی نه‌یتوانیوه‌ به‌سه‌ر وره‌ی به‌رزی ئێمه‌ دا زاڵ بێت.ده‌گه‌ل ئه‌وه‌ی که‌ له‌ ڕێگای ئه‌م کرده‌وه‌ تێرۆریستیانه‌ گه‌لێک سه‌رکرده‌و‌ئه‌ندام و لایه‌نگری به‌ توانای خۆی له‌ده‌ست داوه‌، به‌ڵام ڕژانی خوێنی هه‌موویان بوونه‌ پاڵپشتێکی قایمتر بۆ درێژه‌دانی خه‌باتی نه‌ته‌وایه‌تی و به‌ گژداچوونه‌وه‌ی دوژمنانی گه‌له‌که‌مان. به‌رێزیان ده‌گه‌ل ئاوڕدانه‌وه‌ له‌ کێشه‌کانی حکوومه‌تی هه‌رێمی کوردستان و ئه‌و دان به‌خۆداگرتنه‌ی هێزه‌ خه‌باتگێڕه‌کانی خۆرهه‌ڵات بۆ پاراستن و سه‌رکه‌وتنی ئه‌زموونی هه‌رێمی کوردستان،پێداگری له‌سه‌ر ئه‌وه‌ش کرد که‌ ئه‌وانیش ئه‌رکی نیشتمانی و حکومه‌تیانه‌ له‌ ئاست ده‌ستدرێژی و ئاژاوه‌گێڕیه‌کانی کۆماری ئیسلامی بێده‌نگ نه‌بن و به‌ گژیدا بچنه‌وه‌. به‌دوای وته‌کانی کاک خالیددا،نوێنه‌رانی حیزب و رێکخراوه‌کانی به‌شدار په‌یامی هاوده‌ردی و هاوخه‌می خۆیان بۆ بنه‌ماڵه‌ی شه‌هیدان و رێبوارانیان له‌ حیزبی دێموکراتی کوردستان پێشکه‌ش کرد . نێوئاخنی به‌رنامه‌که‌ش بریتی بوو له‌ پێشکه‌ش کردنی چه‌ندین پارچه‌ شێعروپه‌خشان و له‌ کۆتاییشدا په‌یامی بنه‌ماڵه‌ی شه‌هید وه‌هاب میرخزری به‌ نوێنه‌رایه‌تی هه‌موو بنه‌ماڵه‌ی شه‌هیدانی یه‌ڵدای خوێناوی پێشکه‌ش کرا.هه ر له‌و ڕێوڕه‌سمه‌شدا یادێک له‌ ڕووناکبیرو که‌سایه‌تی به‌توانای گه‌له‌که‌مان کاک ناسر ئیرانپوور کرا که‌ به‌داخه‌وه‌ ئه‌ویش ڕۆژی ٢٤-١٢-٢٠١٦ دوای به‌ربه‌ره‌کانییه‌کی زۆر ده‌گه‌ل نه‌خوشی کۆچی دوایی کرد. ئه‌و حیزب و لایه‌نانه‌ی خواره‌وه‌ش به‌شداری ڕێوڕه‌سمه‌که‌ بوون و په‌یامیان پێشکه‌ش کرد:
1. پارتی دێموکڕاتی کوردستانی
2. کۆمه‌ڵه‌ی زه‌حمه‌تکێشانی کوردستان
3. کۆمه‌ڵه‌(ڕێکخراوی کوردستانی حیزبی کۆمۆنیستی ئێران)
4. کۆمه‌ڵه‌ی زه‌حمه‌تکێشانی شۆڕشگێری کوردستانی ئێران
5. پارتی ئازادی کوردستان/باکوور
6. پارتی دیموکراتی کوردستان/باکوور
7. ئه‌نجوومه‌نی نیشتمانی کورد له‌ سوریه‌(ENKS)
8. ناوه‌ندی به‌ڵگه‌نامه‌ولێکۆڵینه‌وه‌ی کورد(Nawend)
9. پارتی سوسیالیستی کوردستان PSK
10. پارتی HAK-PAR باکوور
11. په‌یامی بنه‌ماڵه‌ی شه‌هید پێشه‌وا قازی
12. ئه‌نجوومه‌نی کورد له‌ ئاڵمان(Kurdische Gemeinde Deutschland)
13. پارتی ئازادی کوردستان ( پاک)
12 ، پارتی ئازادی کوردستان ( پاک

حیزبی دیموکراتی کوردستان- کومیتەی ئاڵمان

بۆ بینینی وێنەکانی ئەو کۆڕیادە کلیک لێرە بکە

بگه‌رێوه‌|ئەم بابەتە 304 جار بینراوە| بینێره‌| چاپ
Facebook| My Yahoo| Twitter| google




start|copyright © 2009 kdpmedia.org|contact