. . . .


5 Jun 2016

ح د ک لە وڵاتی سویس، هەوڵی یەکخستنی دەنگی کورد دەدات


ناوەندی هەواڵ- سویس: ڕۆژی شەممە ٤ی جونی ٢٠١٦ی زایینی، لە سەر بانگهێشتی كۆمیته‌ی ناوچه‌ی ژنیفی حیزبی دێموكراتی كوردستان کۆبوونەوەیەک لە نێوان چوار حیزبی کوردستانی ڕێکخرا. مەبەست لەو کۆبوونەوە پێکهێنانی کۆدەنگییەک بوو لە نێوان ئەو حیزبانەدا لە سەر پرسە گرینگە نەتەوەییەکان بە تایبەت لە شاری ژنێڤ کە شارێکی گرینگە لە بڕیاراتی سیاسی جیهاندا و بنکە و بارەگای چەندین ڕێکخراوی نێودەوڵەتی لێ جێگیرە. لەو کۆبوونەوەیە دا هەر چوار لایەن کە بریتی بوون لە: حیزبی دێموكراتی كوردستان، كۆمه‌ڵه‌ی زه‌حمه‌ت كێشانی كوردستان، پارتی پێشوه‌رۆی كوردی سوریه‌، پارتی سوسیالیستی كوردستانی باكوو، بڕیاریاندا کە لە داهاتوو هەموو هاودەنگ و یەکگرتوو هەڵوێست لە سەر بابەت و پرسە نەتەوەییەکان بگرن و بەردەوامیش بن بۆ یەکخستنی دەنگی کورد بە گشتی لە هەموو وڵاتی سویس دا. پیویست بە ئاماژەیە کە هاوڕێ دیار نمازپەرست بەپرسی کومیتەی حیزب لە ژنێڤ، بە یاوەری ناسر مەحموودزادە‌ لەو کۆبوونەوەیە دا بەشدار بوون و ڕاوبۆچی حیزبی دیموکراتی کوردستانیان هێنایە بەرباس. کۆبوونەوەکە بە پەسند کردنی چەند بڕیار کۆتایی پێهات.
کومیتەی حیزبی دیموکراتی کوردستان- سویس

بگه‌رێوه‌|ئەم بابەتە 523 جار بینراوە| بینێره‌| چاپ
Facebook| My Yahoo| Twitter| google




start|copyright © 2009 kdpmedia.org|contact