. . . .


22 May 2016

بەشداری هەیئەتێکی کومیتەی حدک و یەکیتیەکانی ژنان و لاوان، لە سمینار


ناوەندی هەواڵ- سویس: ڕۆژی شەممە ٢١ی مای ٢٠١٦ی زاینی حیزبی سوسیالیستی سویس سمینارێک و چه‌ند پانڵێی بۆ حیزبه‌ سوسیالیسته‌ ئوروپاییه‌كان ڕێك خست. له‌و سمینار و پانێڵانه‌دا كه‌ چه‌ندین سه‌ركرده‌ و ئه‌ندام پارلەمانی پارته ‌سوسیالیسته‌كانی، وەکوو بیرگیت سیپێڵ نوێنەر لە پارلەمانی ئەورووپا و ماری لافێبر نوێنەری حیزبی سوسیالیستی هوولەند به‌شداریان كرد. حیزبی دێموكراتی كوردستانیش كه‌ به‌فه‌رمی بانگهێشت كرابوو به‌ هه‌یئه‌تێک کە پێكهاتبوو له‌ به‌رپرسانی كۆمیته‌ی سویسی حیزبی دێموكراتی كوردستان زاهید شاعیری، به‌رپرسی په‌یوه‌ندیه‌ خاریجیه‌كانی، به‌رپرسانی یه‌كیه‌تیەکانی ژنان و‌ لاوان به‌شداری چالاكانه‌یان لە باس و خواسەکانی ئەو سمینار و پانێلانە دا كرد. تەوەری سەرەکی باسەکانی سمینار و پانێلەکان کە بە شێوەی وورکشۆپ بەڕێوە چوون، تەرخان کرابوون بۆ سەرلەنوێ دیاری کردنەوە و قاییم کردنی سنوورەکانی نێوان وڵاتانی ئەوروپا، هاوکاری و هاوئاهەنگی نێوان وڵاتانی ئوروپایی بە کردەوە و چۆنیەتی پێکەوەژیانی پەنابەران و خەڵکی ئەو وڵاتانەی لێی جێگیر دەبن.
جێگەی ئاماژەیە کە بە هۆی گرینگی باس و بابەتەکانی ئەو سمینارەوە سه‌رۆكی حیزبی سوسیالیستی سویس و چه‌ندین به‌رپرسی باڵای حكومه‌تی و حیزبی وتاریان پشكه‌ش كرد.هه‌روه‌ها دوای سمیناره‌كه‌ دوو پانێڵ بۆ باس و وتووێژ كردن له‌سه‌ر ته‌وه‌ره‌ باس لە سەر کراوەکان ڕێكخرا كه‌ هاوڕێیانی حیزبی به‌ شێوه‌یه‌كی به‌رچاو به‌شداری باسه‌كانیان كرد. لەو کۆبوونەوە دا خوسرەو مستەفانەژاد بە نوێنەرایەتی کۆمیتە باسێکی تایبەتی سەبارەت بە دۆخی پەنابەرانی رۆژهەڵاتی کوردستان و هۆکاری هاتنیان بۆ وڵاتانی ئوروپایی، بە زمانی ئاڵمانی پێشکەش کرد. ناوبراو بەشێکی دیکە باسەکەی تەرخان کرد بۆ باس لە سەر چۆنیەتی تێکەڵاوی نێوان پەنابەران و خەڵکی وڵاتانی ئوروپایی و کێشە و گرفتەکانی بەردەم ئەو پرۆسەیە.

بگه‌رێوه‌|ئەم بابەتە 361 جار بینراوە| بینێره‌| چاپ
Facebook| My Yahoo| Twitter| google




start|copyright © 2009 kdpmedia.org|contact