. . . .


15 May 2016

بەشداری شاندی کۆمیتەى ح د ک له سمینار ی ١٠٠ ساڵەی رێککەوتننامەی سایک??


ناوەندی هەواڵ- دانمارک: فیدراسیۆنی کۆمەڵه کوردیەکانی دانمارک، به بۆنەی ١٠٠ ساڵەی رێککەوتننامەی شومی سایکس پیکۆ و کۆتایی هاتنی ماوەى ئەو پەیمانه دژی كورد، سمینارێکی سیاسی و مێژوویی بۆ نووسەر و لێکۆڵەری باکورى کوردستان بەرێز مامۆستا مونزور چەم پێکهێنا. ئەو سمینارە دا کە کۆمەڵێکی بەرچاو له کوردانی دانیشتوی وڵاتی دانمارک و نوێنەرانی حیزب و لایەنه سیاسییەكان تێیدا ئامادە بوون، کاتژمێر ١ی پاش نیوەڕۆی ڕۆژی شەممە رێکەوتی ١٤ی مای ٢٠١٦ی زایینی، لە ساڵۆنی کتێبخانەی گشتی شاری برۆندبی وڵاتی دانمارک به سرودی نەتەوایەتی ئەی ڕە قیب دەستی پێکرد. پاشان بەرێز عەدنان ئاغا جان بەرپرسی فیدراسیۆن کۆمەڵە کوردییەکان وێڕای بەخێر هێنانی به شداران و ناساندنی بەرێز مونزور داوای لە نابراو کرد وتارەکه ی پێشكەش بکا. بەرێز مونزور وێڕای ئاماژەی به چلۆنایەتی و کاتی واژۆکران و مەبەست و ئاکامی ڕێککەوتننامەی سایکس پیکۆ به وردی و هه ڵسەنگاندنی هەل و مەرجی ئێستای رۆژهەڵاتى نێوەڕاست و کوردستان، تیشكی خستەسەر پێویستی یەکگرتوویی و یەکدەنگی گەلی کورد و لایەنه سیاسییەكانی چوار پارچەی كوردستان لەو هەلو مەرجە ناسکەدا بەرامبەر به پیلانه دژه کوردیەکانی به شێک له زلهێزەكان و داگیركەرانی کوردستان و هه وڵدان بۆ هەڵوەشاندنەوەی به کردەوەی پەیمانی شومی سایکس پیکۆ و سەر بەخۆیی کوردستان.
سمینارەکه بەدەربڕینی ڕاو بۆچوون و پرسیاری بەشداران درێژەی پێدرا و به ڕێز مونزور وڵامی پرسیارەکانی داویەوە.
لە سەر بانگهێشتی ڕەسمی فیدراسیۆن شاندێكی کۆمیتەى حیزب پێکهاتوو له بەڕێزان هیوا زەبیحی بەرپرسی کۆمیته، ڕەحیم خالیدنەژاد و خالید رەواندوست بەشداری سمینارەکه بوون و چالاکانه له باسەکاندا بەشداریان کرد. جێی ئاماژەیه به شداری شاندی حیزب له لایەن به ڕێوە به رانی سمینار ه که به گه رمی پێشوازی لێکرا.
حیزبی دیموکراتی کوردستان کۆمیتەى دانمارک
sakispiko2016.jpg

بگه‌رێوه‌|ئەم بابەتە 356 جار بینراوە| بینێره‌| چاپ
Facebook| My Yahoo| Twitter| google




start|copyright © 2009 kdpmedia.org|contact