. . . .


16 Apr 2016

بەشێک لە بیرەوەرییەکانی پێشمەرگەی ئازا و چاونەترسی حیزبی دیموکراتی کوردستان کاک شۆڕش ئەسەدزادە


لە ماوەی زیاتر لە ١٧ سال شەڕی چەکداری دژ بە ڕژیمی داگیرکەری ئیسلامی ئێران، لە ڕۆژهەلاتی کوردستان، هەزاران داستانی ئازایەتی و خۆڕاگری تۆمار کراون کە گێڕانەوە و نووسینەوەی ئەو قارەمانەتییانە بەشێکن لە مێژووی پڕ لە خەبات و قوربانی دانی گەلی کورد و حیزبی دیموکراتی کوردستان لە ڕۆژهەلاتی وڵات. هەرچەندە زۆرن ئەو کەسانەی کە لە تۆمار کردنی ئەو داستانە دا دەوری کاریگەر و سەرەکییان هەبوو و لە راستی دا کاراکتەری سەرەکی بوون لە ئازایەتی و قارەمانییانە دا، بەلام بە دەگمەن کەس لەو ئازیزانە دەستی داوە قەڵەم و ئەو بیرەوەرییانەی کە شانازییەکی گەورەن بۆ کورد و بۆ حیزبەکەمان، خستووەتە وەر کاغز.
هاوڕێی زێدە ئازیز و تێکۆشەرمان، کادر بە وەج و کارامەی حیزبی دیموکراتی کوردستان، کاک شۆڕش ئەسەدزادە، ئەو ئەرکەی گرتووەتە ئەستۆ و بەشێک لە بیرەوەرییەکانی خۆی بلاو کردووەتەوە. ئێمە لێرە دا بە بڵاو کردنەوەی ئەو بیرەوەرییانە، هەوڵ دەدەین کە بە ئامانەتەوە بەشێک لە مێژووی ڕۆژانی سەختی خەبات و بەرگری ڕۆڵەکانی دیموکراتتان بۆ بگێڕینەوە. بەو ئاواتەی کە جێی پەسند و رەزامەندی ئێوەی ئازیز.

پایه‌گای به‌رده‌ كونتێ چۆن گیرا ؟؟؟؟؟؟

ئێمه‌ پێنج كه‌س بووین چووین بۆ شوناسایی پایه‌گا، كه‌ پێم له‌ گرتنی پایه‌گایه‌كه‌ پێ سه‌خت تر بوو هه‌م ته‌نها پێنج كه‌س بووین، هه‌م هێنده‌ چووبووینه‌ پێش كه‌ ته‌نها نێوانمان له‌گه‌ڵ دوژمن دوو یا سێ مه‌تر بوو. دوای شوناسایی و گفتوگۆیه‌كی زۆر، چۆنیه‌تی گرتن و په‌لامار دارێژرا. سێ سه‌نگه‌ری ئه‌سڵی نیگبانی و پارێزگاری هه‌بوو، تانكێكی نه‌وعی چفتێنی ئه‌مریكایی لێ بوو، خومپاره‌ هاوێژێكی ١٢٠ ملم و یه‌كی ٨٢ ملمی لێ بوو له‌گه‌ل سێ تیرباری ژێ سێ و كالیبر ٥٠ ملم. یه‌كەم ڕۆژی شوناسایی تا ڕۆژی گرتنه‌كه‌ی نۆ ڕۆژی خایاند بۆیه‌ پێویست بوو دیسان شو‌ناساییه‌ك بكرێته‌وه‌ نه‌وه‌ك شتێك گۆڕردرا بێ. سێ كه‌س له‌و پێنج كه‌سه‌ی ئه‌وه‌ڵێ چوونه‌وه‌ بۆ شوناسایی، دووه‌م من له‌گه‌ڵ نه‌بووم كه‌ هاتنه‌وه‌ كووتیان هه‌موو وه‌ك خۆیه‌تی هیچ شتێك نه‌گۆڕاوه. ‌هه‌ر شه‌ش په‌له‌كه‌ی لكی یه‌ك به‌شداری ئه‌و عه‌مه‌لیاته‌ بوون. بۆ گرتنی پایه‌گاكه‌ ته‌نها ٢١ كه‌س دیاری كرابوو باقی پێشمه‌رگه‌كان وه‌ك كه‌مین له‌ دوو لاوه‌ دامه‌زرابوون بۆ هه‌ر چه‌شنه‌ هێرشێكی دوژمن یا بۆ كۆمه‌گی دووه‌م بۆ ئیحتمالی بریندار بوون یا شه‌هید بوونی پێشمه‌رگه‌ له‌ كاتی هێرش بۆ گرتن و به‌ سزا گه‌یاندنی داگیركه‌ران. تا نیو كاتژمێر پێش چوونه‌ سه‌ر پایه‌گا له‌و پێنج كه‌سه‌ زیاتر كه‌س نه‌یده‌زانی بۆ كوێ ده‌چین. هه‌ر هه‌موو پێیان وابوو ده‌چین پایه‌گای خه‌زایی بگرین كه‌ ده‌ڕوانێته‌ سه‌ر شاری مه‌هاباد. له‌وێ له‌ بن پایگا شه‌هید جه‌عفه‌ر گوشواره‌ گووتی گوێ بگرن هاوڕێیان ئه‌وشۆ ده‌چین ئه‌م پایه‌گایه‌ به‌ سزای خۆی ده‌گه‌یه‌نین كه‌ بۆته‌ مایه‌ی ئه‌زیه‌ت و ئازارێكی زۆر بۆ سه‌ر خه‌ڵكی بێ گوناحی ئه‌م ناوچه‌یه،‌ هه‌ر كه‌س له‌گه‌ڵ سه‌رپه‌له‌كه‌ی خۆی بێ و له‌ ژێر فه‌رمانی ئه‌ودا بێت. بۆ ئاگاداری هه‌مووتان یه‌كه‌م ئار پی جی بۆ خۆم لێی ده‌ده‌م به‌دوای ئه‌ودا به‌ بیستنی ده‌نگی هێرش به‌رن لێیان ده‌ن هێرش ده‌كه‌ین، به‌ڵام تكاتان لێ ده‌كه‌م ئاگاتان له‌ یه‌كتر بێت و ‌سه‌ر كه‌وتین تا بن سیمی خاڵدار ڕۆشتین. دوژمن هه‌ستی نه‌كردبوو ئێمه‌ جوان ئه‌وانمان له‌ ژێر كۆنترۆڵدا بوو و ئاگامان له‌ نیگابانه‌كانیان بوو. سه‌نگه‌ری نیگابانه‌كانمان زۆر به‌ وردی له‌ ژێر چاوه‌دێریدا بوو سیمی خاڵدار هه‌موو بڕدران من له‌گه‌ڵ شه‌هید جه‌عفه‌ر بووم لای جاده‌مان بۆ هێشتبوونه‌وه‌ كه‌ پێیدا هه‌ڵێن له‌ كاتی هێرش له‌ خواره‌وه‌ش كه‌مینی پێشمه‌رگه‌كان بوو بۆ ئه‌وانه‌ی هه‌ڵدێن كووتم لێیده‌ جه‌عفه‌ر وه‌ختیه‌تی! ڕووی تێ كردم به‌ پێكه‌نینه‌وه‌ كووتی ئه‌و دوو بێ شه‌ڕه‌فه‌ش با بچنه‌ ژوور جا لێی ده‌ده‌م دیوێك بوو له‌ هه‌موو دیوه‌كانی دی گه‌وره‌تر بوو قه‌رار بوو یه‌كه‌م ئاڕ پی جی له‌وێ بدا كه‌ نزیك به‌ سه‌نگه‌ری یه‌كه‌م بوو. هه‌موو ئاماده‌ جه‌عفه‌ر لێی دا گرمه‌ی دوژمن تۆقێنه‌ری ئارپێ جی پێشمه‌رگه،‌ وره‌ی دوژمنی داڕووخاند. هه‌رگیز پێیان وا نه‌بوو پێشمه‌رگه‌ بتوانێ هێرش بكاته‌ سه‌ریان، كوڕه‌كان هێرشیان كرد و وه‌كوو شێر و پڵه‌نگ، وه‌ك پێشمه‌رگه‌، وه‌ك كوڕی كورد، وه‌ك نه‌وه‌كانی پێشه‌وا، وه‌ك پارێزه‌رانی ماف و نامووسی كوردستان، ته‌نها ئاخر سه‌نگه‌ر ته‌قه‌ی كردوو چه‌ند ڕه‌گبارێك به‌ نارنجۆك بێ ده‌نگیان كرد. خه‌فه‌یان كرد دمیان شكاند زۆریان هه‌ڵاتن و له‌ كه‌مینی كوڕه‌كاندا كوژران پێم خۆش نیه‌ بڵێم چی بوو چی ڕوویدا. له‌ پایه‌گا ته‌نها ئه‌وه‌نده‌ ده‌ڵێم هه‌رچی نه‌یده‌زانی ئه‌و تانكه‌ لێبو خڕێ كوژرا تا كه‌سێك كووتی من ده‌زانم پایه‌گا هه‌موو گیرا، تانك هاته‌ خوار لێیان خوڕی به‌ره‌و ناوچه‌ی ئازاد. دوژمن كه‌ زانی پایه‌گا گیراوه‌ ناو پایه‌گای به‌ تۆپ و خومپاره‌ وێران كرد من له‌وێ زۆر به‌ سووكی بریندار بووم به‌ پارچه‌ی تۆپ و خومپاره‌ هه‌رچه‌ند گیانم هه‌موو خوێن بوو به‌ڵام نه‌ ئازارم هه‌بوو نه‌ ناڕه‌حه‌ت بووم. سه‌رم بریندار ببوو خوێنی پێدا ده‌هاته‌ خوار. ئه‌مه‌ی بۆتان باس ده‌كه‌م ته‌نها ماوه‌ی نیو سه‌عات بو تانكمان له‌گه‌ڵ خۆمان برد، ئه‌وه‌ی تانكه‌كه‌ی لێ ده‌خوڕی شۆفێر نه‌بوو له‌ ترسان كووتبووی من شۆفێری ئه‌م تانكه‌م بۆیه‌ هه‌ر به‌ یه‌ك ده‌نده‌ لێی خوڕی بوو له‌ نیوه‌ی ڕێ وه‌ستاو خراپ بوو.
بژی پێشمه‌رگه‌ ئه‌وه‌ی بۆم گێڕانه‌وه‌ شێوه‌ی دیدو دیتنی من بوو له‌م عه‌مه‌لیاته‌ ڕه‌نگه‌ هاوڕێیانێك هه‌بن به‌ شێوه‌ی دیدو دیتنی خۆیان باسی بكه‌ن كه‌ به‌ نه‌زه‌رم هه‌ر یه‌كه‌ ئه‌وه‌ زۆر سرووشتیه‌ ورده‌كاری و هێندێك هه‌ڵسوكه‌وت و ڕووداوی گرنگی ئه‌م عه‌مه‌لیاته‌كاتێكی تر به‌ وردی باس ده‌كه‌م.

بگه‌رێوه‌|ئەم بابەتە 1363 جار بینراوە| بینێره‌| چاپ
Facebook| My Yahoo| Twitter| google




start|copyright © 2009 kdpmedia.org|contact