. . . .


23 Mar 2016

بەڕێوەچوونی ڕێوڕەسمی نەورۆز لە شاری ستاوانگەر،ی وڵاتی نۆروێژ لە ل?


به‌ بۆنه‌ی هاتنی ساڵی تازه‌‌و نه‌ورۆزی ٢٧١٦ ی کوردی و١٣٩٥ی هه‌تاوی یه‌کێتی لاوانی دیموکراتی رۆژهه‌لاتی کوردستان کۆمیته‌ ناوچه‌ی رۆگلاند، رێکه‌وتی١٩/٠٣/٢٠١٦ له‌یه‌کێک له‌ هۆله‌کانی شاری ستاوانگێر مه‌راسمێکی گه‌وره‌ی بۆ پێشوازی له‌ نه‌ورۆزی کورده‌واری به‌رێوه‌ برد.
ڕێوڕەسمەکه‌ به‌ سرودی نەتەوایەتی ئه‌ی ره‌قیب ده‌ستی پێکرد که‌‌ له‌ لایه‌ن گروپێک له‌ ئەندامانی یه‌کێتی لاوانه‌وه‌ پێشکه‌ش کرا و هه‌روه‌ها خوله‌کێک بێده‌نگی راگیرا بۆ وه‌بیر هێنانه‌وه‌ی و رێزگزتن له‌ شه‌هیدانی رێگای ئازادی کوردستان. پاشان په‌یامی یه‌کێتی لاوانی دیموکراتی رۆژهه‌ڵاتی کوردستان کومیتە ناوچەی رۆگلاند،‌ له‌لایه‌ن هاورێ زانیار که‌ریمی به‌رپرسی کۆمیته‌ ناوچه‌وە پێشکه‌شی ئاماده‌بوان کرا. په‌یامه‌که‌ له‌گه‌ڵ باسێک له‌سه‌ر نه‌ورۆز و گرینگی ئه‌م بۆنه‌یه‌ له‌سه‌ر پاراستنی کلتوور و کاریگه‌ری ئه‌م بۆنه‌یه‌ له‌سه‌ر خه‌باتی گه‌لی کورد، لە بەشێکی تری پەیامەکە باسێک بوو لەسەر رەوشی ئێستای کوردستان بە گشتی و رۆژهەڵاتی کوردستان بەتایبەتی. پەیامەکەی لاوان دووبارە جەختی کردبووەوە لە سەر خەباتی سیاسی و مەدەنی لە ناوخۆی وڵات و مافی رێفراندۆم بۆ دیاری کردنی مافی چارەنووس. دوای پەیامەکەی کۆمیتە ناوچەی رۆگلاندی یەکێتی لاوانی دیموکراتی رۆژهەڵاتی کوردستان، لاوی بەهەست و گەنج ژیلا بەهرامی شێعرێکی بە مانا و جوانی پێشکەشی بەشداربوانی مەراسیمەکە کرد. بە هۆی رێک کەوتنی سەری ساڵی کوردی و جێژنی پۆسکە، جه‌ژنی پاكی نۆروێژ، بەرنامەیەک بۆ منداڵان بەرێوە چوو و بەسەر منداڵەکان دا دیاری دابەش کرا. لە برگەیەکی تری بەرنامەکان دا گرووپی هەڵپەرکێی بارانی یەکێتی لاوان تابلۆیەکی هەڵپەرکێی جوانی پێشکەش کرد کە بەرنامەکانی ئەو شەوەیان زیاتر رازاندەوە. دواتر هونەرمەندی گۆرانی بێژ خاتوو رێژان لەتیف گۆرانیەکی پێشکەش بە میوانان کرد و هەوایەکی تری دا بە مەراسمەکە و بە دەنگی خۆشی خۆی نەورۆزی ئەوساڵی رازاوەتر کرد. لە دواین بڕگە دا هونەرمەند فەرهاد ئالانی بە دەنگە خۆشەکەی خۆی و ئامانج مەعرووفی بە پەنجە رەنگینەکانی بە ئامێری کیبۆرد تا درەنگانی شەو دڵی میوانان و بەشدارانی مەراسیمەکەیان شاد کرد و تا درەنگانی شەو بەشدار بووانی مەراسمەکە بە هەڵپەرکێ و شایی شەویان بردە سەر، هەر هاوکات لەگەڵ شایی و هەڵپەرکێی بەشداربووان هاورێ رێباز خنکاڵی لاوی تازە پێگەشتوو چەند پارچە گۆرانیەکی پێشکەش کرد و شەوەکەی رازاوە تر کرد. لە کۆتایی دا چەپکە گوڵی ڕێز لێنان لە لایەن دەستەی ئامادەکاری ڕێورەسمەکەوە پێشکەشی هونەرمەندانی بەشدار لەو ڕێوڕەسمە دا کرا.

بگه‌رێوه‌|ئەم بابەتە 594 جار بینراوە| بینێره‌| چاپ
Facebook| My Yahoo| Twitter| google




start|copyright © 2009 kdpmedia.org|contact