. . . .


21 Mar 2016

بەرێوەچوونی کۆڕی پرسە و سەرەخۆشی بۆ نەمر مەحمود خاس لە نۆروێژ


ناوەندی هەواڵ- نۆروێژ: رۆژی یەکشەممە رێکەوتی ٢٠ی مارسی ٢٠١٦ بەرانبەر بە یەکەم رۆژی نەورۆزی ٢٧١٦ی کوردی، کۆمیتەی حیزبی دێموکراتی کوردستان بە هاوکاری یەکیەتییەکانی لاوان و ژنانی دێموکراتی کوردستان، بۆ رێز گرتن لە رۆڵەی قارەمان و تێکۆشەری حیزبی دێموکراتی شەهید مەحموود محەممەدی ناسراو بە مەحمود خاس، رێورەسمێکی پرسەو ماتەمینیان بۆ لەدەستدانی ئەو تێکۆشەر لە دەڤەری ئۆسڵۆ، پایتەختی وڵاتی نۆروێژ پێکهێنا. لەو ڕێورەسمە دا کە ژمارەیەکی بەرچاو لە نوێنەری حیزب و رێکخراوە سیاسییەکان و کوردستانیانی نیشتەجێی ئەو وڵاتە، بەشدار بوون، رێز و ئەمەگناسی خۆیان بۆ رووحی نەمر کاک مەحمود خاس دەربڕی.
سەرەتایی بەرنامەکە هاورێی خوسرەو قادری، ئەندامی کۆمیتەی حیزبی دێموکراتی کوردستان لە نۆروێژ، بە بەخێرهێنانی بەشداران و ڕاگەیاندنی خولەکێک بێدەنگی بۆ رووحی پاکی شەهیدانی کوردوکوردستان وبە تایبەتی هاورێی تازە لەدەست چوومان کاک مەحمود خاس، بەرنامەکەی دەست پێکردو دواتر پەیامی کۆمیتەی نۆروێژی حیزبی دێموکراتی کوردستانی خوێندەوە.
بەرێز کاک محەممەد گرژاڵی بە نوێنەرایەتی بنەماڵەی شەهید مەحمود خاس چەند وتەیەکی پێشکەش کرد.
لە درێژەی ئەو رێوەرەسمە دا ئەو هاورێیانە کە سەردەمانێک لەگەڵ نەمر کاک مەحمود خاس دا هاورێ و هاوسەنگەر بوون، هەریەکە باسیان لە گۆشەیەک لە ژیان و بەسەرهات و قارەمانەتی لە ماوەی خەبات و پێشمەرگایەتی کاک مەحمود کرد:
ـ کاک محەممەد کەسرایی
ـ هاورێ عەبدوڵڵا گۆمانی بە مەقامێک هەست و سۆزی خۆی بۆ لەدەست دانی نەمر کاک مەحمود خاس دەربڕی
ـ کاک ئەحمەد نەقشی
ـ کاک ئەبووبەکر قەدیکورد بە خوێندنەوەی پەخشانێک لە ژێر ناوی " سکاڵا لە قەدەر" کە تایبەت بوو بە لەدەست دانی نەمر کاک مەحمود خاس
ـ کاک عەوڵا شەققاز
- کاک هاشم رۆستەمی
- کاک جەعفەر حامیدی
لە کۆتایی دا خوشکە خونچە محەممەدی، کچی شەهید مەحمود خاس چەند وتەیەکی بە نوێنەرایەتی بنەماڵە پێشکەش کرد و سپاسی ئامادەبووانی کرد کە لەو ڕێوڕەسمە دا بەشدارییان کرد و بە ئەمەگ ناسییەوە ڕێزیان لە خەبات و تێکۆشانی کاک مەحموود خاس گرت.
شایانی باسە ئەو رێورەسمە بۆ ماوەی ٣ کاتژمێر درێژەی کێشا

حیزبی دیموکراتی کوردستان- نۆروێژ
prsay-mahmud-xas.jpg

بگه‌رێوه‌|ئەم بابەتە 697 جار بینراوە| بینێره‌| چاپ
Facebook| My Yahoo| Twitter| google




start|copyright © 2009 kdpmedia.org|contact