. . . .


7 Feb 2016

لە خۆپیشاندانێک دا لە وڵاتی سویس، ٣٧ ساڵ تەمەنی ڕەشی کۆماری ئیسلامی ?


ناوەندی هەواڵ- سویس: ڕۆژی شه‌ممه‌ ٦ی فیبریواری ٢٠١٦ له‌ لایان چه‌ندین هێز و لایه‌نی سیاسی له‌ بڕن پایته‌ختی وڵاتی سویس خۆپیشاندانێك به‌ دژی كۆماری ئیسلامی ئێران به‌ڕێوه‌ چوو. له‌م خۆپیشاندانه‌دا كه‌ ده‌یان كه‌س له‌ كوردستانی و ئێرانیان دانیشتووی ئەو وڵاتەی تێی‌دا به‌شداربوون به‌ چه‌ندین تراكت و پلاكارت و درووشم و وتار، ٣٧ ساڵ ته‌مه‌نی پڕ له‌ جنایه‌تی كۆماری ئێسلامی ئێران ڕیسوا کرا. لەو خۆپیشاندانە دا کە بەشیکی بەرجاو لە ئەندام، دۆست و لایانگرانی حیزب تێیدا بەشدار بوون، وتاری حیزبی دێموكراتی كوردستان له‌ لایان هێژا مه‌نگووڕه‌وه‌ پێشكەش کرا. له‌م وتاره‌دا ئاوڕ لە مێژوی كۆماری ئیسلامی دژ بە گەلی کورد و هەموو ئازادیخوازانی ئێران درابووەوە و باس لە خەبات و تێکۆشانی حیزبی دێموكراتی كوردستان و گه‌لی كورد له سه‌ره‌تای سه‌ركه‌وتنی شۆڕشی گه‌لانی ئێران کرابوو. لە بەشێک لەو وتارە دا ئاماژه‌ی به‌ نه‌بوونی هاو ئاهه‌نگی كرابوو له‌ نێوان نەتەوە جۆراوجۆرەکانی ئێراندا به‌ دژی كۆماری ئه‌سلامی و ئەوە وەک خاڵێکی لاواز هینرا بوو کە بەو هۆیەوە کۆمار ئیسلامی توانیویەتی جێگە و پێگەی خۆی زیاتر قاییم کات. له‌ به‌شێك له‌ په‌یامه‌كه‌ی حیزبی دێموكراتدا هاتبوو كه‌ سه‌رڕای ئه‌وه‌ گه‌لی كورد به‌گشتی و حیزبی دێموكرات به‌تایبه‌تی مافی چاره‌ی خۆنووسینی گه‌لی كورد به‌ڕه‌وا ده‌زانێ و ئێستاش پشنیازی ڕاپرسی له‌ ڕۆژهه‌ڵاتی كوردستان دێنێته‌ گۆڕێ له‌ مه‌ڕ دیاری كردنی چاره‌نووسی نه‌ته‌وه‌كه‌ی. هەر بۆیە دەبێ چارەنووسی گەلی کورد و هەموو گەلانی دیکەی ئێران، لە سنووقەکانی دەنگ دانەوە دیار بکرێ، نەک بە زەبر وزەنگ و کوشتن و داگیرکاری.
حیزبی دیموکراتی کوردستان- سویس

بگه‌رێوه‌|ئەم بابەتە 564 جار بینراوە| بینێره‌| چاپ
Facebook| My Yahoo| Twitter| google




start|copyright © 2009 kdpmedia.org|contact