. . . .


19 Aug 2009

بریتانیا: به‌شداری له‌یادی 28ی گه‌لاوێژ ساڵڕۆژی فتوای خومه‌ینی له??


ناوه‌ندی هه‌واڵ: 28ی گه‌لاوێژی ساڵی 1358 ی هه‌تاوی ده‌وڵه‌تی تازه‌ به‌ ده‌سه‌ڵات گه‌یشتووی کۆماری ئیسلامی، که‌ شه‌ڕێکی ناڕه‌وای به‌ سه‌ر خه‌ڵکی کوردستان دا سه‌پاند. گه‌لی کورد له‌ ڕۆژهه‌ڵاتی کوردستان زۆر به‌ تووندی به‌ گژ ‌هێزه‌کانی دژی گه‌لیی دا چوونه‌وه‌ و له‌ ماوه‌یه‌کی کورت دا زه‌ربه‌ی زۆر کاریگه‌ریان له‌‌ دوژمن وه‌شاند. خومه‌ینی خوێنمژ که‌ زانی له‌ کوردستانی قه‌ڵای خۆڕاگری و ئازایه‌تی دا، به‌کرێگیراوه‌کانی توشی شکست و سه‌رشۆڕی بوون، فتوای جیهادی له‌ دژی گه‌لی کورد ڕاگه‌یاند و چلکاوخۆره‌کانی بۆ جێبه‌جێ کردنی ئه‌مری ڕێبه‌ریان به‌ر بوونه‌ گیان و ماڵی خه‌ڵک و به‌ ده‌یان که‌سیان له‌ خه‌ڵکی بێ دیفاعی کورد کوشت.

بۆ یادکردنه‌وه‌ی ئه‌و ڕۆژه‌ کوردانی دڵسۆزی کوردستان له‌ شاری له‌نده‌ن، ڕۆژی شه‌ممه‌ 14ی ئاگۆستی 2009 ڕێوڕه‌سمێکی به‌ شکۆیان پێکهێنا که‌ که‌ تیایدا ژماره‌یه‌کی به‌رچاو له‌ لایه‌نه‌ سیاسیه‌ ئێرانی و کوردستانی و چه‌ندین شه‌خسیه‌تی ئه‌ده‌بی و سیاسی و ڕۆشنبیریی کورد و ئێرانی بۆ پێشکه‌ش کردنی په‌یام و بابه‌تی تایبه‌تی ئه‌و ڕؤژه‌ بانگهێست کرابوون. له‌ وانه‌: حیزبی دێمۆکراتی کوردستان، کۆمه‌ڵه‌ی زه‌حمه‌تکێشانی کوردستان، کۆمه‌ڵه‌ی شۆڕشگێری زه‌حمه‌تکیشانی کوردستانی ئێران، کۆنگره‌ی نیشتمانی کوردستان، پرۆژه‌ی ژنی کورد، حزب مردم خلق بلوچ و چه‌ندین شه‌خسیه‌تی وه‌کوو کاک هاشم که‌ریمی، دکتۆر سه‌عید شه‌مس، دکتۆر ئیسماعیل خۆیی،دکتۆر عه‌لیڕه‌زا نوریزاده‌ و چه‌ندین لایه‌ن و شه‌خسیه‌تی دیکه‌ تێیدا به‌شدار بوون و له‌و ڕێو ڕه‌سمه‌ دا په‌یام و وتار و بیره‌وه‌ری و بابه‌تگه‌لی تایبه‌ت به‌و ڕۆژه‌یان خوێنده‌وه‌.

کۆمیته‌ی حیزبی دێمۆکراتی کوردستان له‌ بریتانیا و ئه‌ندامانی حیزب له‌و وڵاته‌ چالاکانه‌ له‌و ڕێوڕه‌سمه‌دا به‌شدار بوون.
yadi28igelawej.jpg

بگه‌رێوه‌|ئەم بابەتە 1264 جار بینراوە| بینێره‌| چاپ
Facebook| My Yahoo| Twitter| google




start|copyright © 2009 kdpmedia.org|contact