. . . .


19 Dec 2015

لە شاری تۆرکۆی فینلاند، ڕێز لە ڕۆژی ٢٦ی سەرماوەز، ڕۆژی ئاڵا و پێشمە??


ناوەندی هەواڵ- فینلاند: بۆ رێزگرتن لە ٢٦ی سەرماوەز رۆژی پێشمەرگەی کوردستان و رۆژی هەڵکردنی ئاڵای پیرۆزی کوردستان ، کۆمیتەکانی یەکیەتی ژنانی دێموکراتی کوردستان و یەکیەتی لاوانی دێموکراتی رۆژهەڵاتی کوردستان، بە هاوکاری کۆمیتەی گشتی حیزب لە وڵاتی فینلاند، رۆژی هەینی ١٨ی دێسامبری ٢٠١٥ی زایینی، رێورەسمێکی بە شکۆیان لە شاری تورکو پێک هێنا. رێورەسمەکە کاتژمێر ٧ی ئێوارە بە سرودی نەتەوایەتی ئەی رەقیب لە لایەن کۆری سرودی یەکیەتی لاوانی دێموکراتی رۆژهەڵاتی کوردستان و ساتێک بێ دەنگی بۆ رێزگرتن لە شەهیدانی کوردو کوردستان دەستیپێکرد. پاشان پەیامی هاوبەشی کۆمێتەی گشتی حیزب و یەکیەتی ژنان و یەکیەتی لاوان لە لایەن خاتوو گەلاوێژ بازیان بەرپرسی یەکیەتی ژنانی دێموکرات لە فینلاند خوێندرایەوە. بە دوای ئەودا پەیامی فیدراسیۆنی کۆمەڵە کوردیەکانی فینلاند لە لایەن کاک مەجید حەقیەوە پێشکەش بە ئامادەبووان کرا.
ئینجا لە لایەن هاورێ کوردنژاد ئیراهیمی بیرەوەریەک لە سەر خەباتی پێشمەرگانە خویندرایەوە کە سەرنجی بەشدارانی رێورەسمەکەی بۆ لای خۆی راکیشا. شایانی باسە کە نێو ئاخنی بەرنامەکان بە شێعر و پەخشانی شۆرشگێرانە و لە وەسفی پێشمەرگە دا لە لایەن بەرێوەبەرانی بەرنامەکەوە بەرێزان سروشت رەسوڵی و هێمن زادئەحمەد رازایەوە.
بەشی کۆتایی رێورەسمی ٢٦ی سەرمااوەز تەرخان کرابوو بۆ کاری هونەری کە بە دەنگە شاد و خۆشەکەی هونەرمەندی پێشمەرگە فەرهاد ئالانی و بە هەڵپەرکی جوانی کوردەواری لە لایەن بەشداربووانەوە شەوئاهنگەکەیان زیاتر رازاندەوە و تا درنگانێکی شەو لە نێو خۆشی و شادی بەشداربووانی ڕێورەسمی رێزگرتن لە ثێشمەرگە و ئاڵای کوردستان درێژەی کێشا .

کومیتەی حیزبی دیموکراتی کوردستان- فینلاند

بگه‌رێوه‌|ئەم بابەتە 7506 جار بینراوە| بینێره‌| چاپ
Facebook| My Yahoo| Twitter| google




start|copyright © 2009 kdpmedia.org|contact