. . . .


26 Oct 2015

بەشداری کۆمیته‌ی نۆڕوێژی یه‌کیه‌تیی ژنانی دێموکراتی کوردستان لە


ناوەندی هەواڵ- نۆروێژ: رۆژی شه‌ممه ڕێکەوتی ٢٤ی نوامبری ٢٠١٥ی زایینی ، له‌ شاری لیلله‌سترۆم له‌ پارێزگای ئاكه‌شهوس به‌ به‌شداریی به‌شێكی زۆر له‌ نه‌ته‌وه‌ جۆراوجۆره‌كانی نیشته‌جێ له‌م پارێزگایه‌‌ فێستیواڵێکی کولتووری به‌رێوه ‌چوو.
له‌و فستیڤاڵه‌دا که‌ هه‌موو ساڵێ به‌ به‌شداریی نه‌ته‌وه‌ جۆراوجۆره‌کانی نیشته‌جێ له‌ پارێزگای ئاكه‌شهووس له‌ وڵاتی نۆروێژ به‌رێوه‌ده‌چێ‌، هه‌ر نه‌ته‌وه‌یه‌ک بۆ پێناسه‌ کردنی خۆی به‌ نۆروێژییه‌کان‌‌و ئه‌و که‌سانه‌ی سه‌ردانی ئەو شوێنە ده‌که‌ن ستاندێک داده‌نێ‌و له‌و ستانده‌دا ئه‌و که‌ره‌سته‌ کلتوری و خۆماڵییه‌ باوانه‌ی نه‌ته‌وه‌که‌یان وه‌ک جل‌و به‌رگ، پێڵاو، کڵاو و زۆر شتیی دیكه ‌له‌ شوێنی تایبه‌تی خۆیان داده‌نێن ‌و له‌گه‌ڵ میوانانی پرۆگرامه‌كه‌ سه‌باره‌ت به‌ کولتوورو داب ‌و نه‌ریتی خۆیان بیرورا ده‌گۆرنه‌وه‌. ئه‌مساڵیش هه‌روه‌ک ساڵانی پێشوو یه‌كیه‌تیی ژنانی دێموكراتی كوردستان‌ وکۆمەڵەی کوولتوری کوردی رۆمەریکە به‌ به‌شداریی بەشێکی بەرچاو لە کوردانی دانیشتووی پارێزگای ئاكه‌شهووس به‌شدارییان له‌و فستیڤاڵه‌دا كرد و به‌ رازاندنه‌وه‌ی ستاندی تایبه‌ت به‌ کوردانی رۆژهه‌ڵات و سازكردنی خواردنی خۆماڵی و هه‌روه‌ها پێشاندانی جلوبه‌رگی كوردی، سەرنجی بەشدارانی فستیواڵەکەیان بەلای خۆیاندا ڕاکێشا. پێویست بە ئاماژەیەکە خاتوو مەحبوبە رەحیمی، بەرپرسی یه‌کیه‌تیی ژنانی دێموکراتی کوردستان ماوه‌ی ٥ ساڵه‌ وەک ئەندامی کۆمیتەی ئامادەکاری ئه‌و فستیڤاڵه‌دا که‌ به‌ "کولتوورمیکس" ناودێر کراوە دەستنیشان کراوە و وەک یەکێک ئامادەکارانی ئەو بەرنامەیە، بەشێکی بەرچاو لە ئەرکەکانی لە ئەستۆیە.

بگه‌رێوه‌|ئەم بابەتە 569 جار بینراوە| بینێره‌| چاپ
Facebook| My Yahoo| Twitter| google




start|copyright © 2009 kdpmedia.org|contact