. . . .


7 Oct 2015

دیداری نێوان کومیتەی حدک و رێکخراوی پ د ک لە شاری ئۆرێبروو،ی وڵاتی سوید


ناوەندی هەواڵ- سوید: رۆژی سێشەممە رێکەوتی ١٠/١٠/٢٠١٥ ی زایینی، لە سەر بانگهێشتی ڕێکخراوی پارتی دیموکراتی کوردستان، هەیئەتێکی کومیتەی حیزبی دیموکراتی کوردستان پێکهاتوو لە هاوڕێیان کەریم بابەکری بەرپرسی کومیتە و و کاک محەمەد وەیسی ئەندامی کومیتە، بۆ تاوتوێ کردنی بارودۆخی ئێستای کوردستان، ڕەوشی کوردستانیانی تاراوگە و هاوکاری زیاتری نێوان ئەو دوو حیزبە برایە، لە دەفتەری حیزب لەو شارە کۆبوونەوە. لەو کۆبوونەوەیە دا وێڕای باسێکی گشتی لە سەر دۆزی ڕەوای گەلەکەمان و ئاڵوگۆرە بەپەلەکانی ناوچەی خۆرهەڵاتی ناوەڕاست، یەکگرتوویی و یەکڕیزی ناو ماڵی کورد، بۆ ڕووبەڕوو بوونەوەی هەر ئەگەرێکی چاوەڕوان نەکراو بە پێویست زانرا و هەردووک لا کۆک بوون لە سەر ئەوەی کە هەموو لا پێکەوە چ لە کوردستان و چ لە دەرەوە، هاوکاری زیاتری یەکتری بکەن بۆ هێنانە دیی ئامانجە بەرزەکانی گەلەکەمان.
پێویست بە ئاماژەیە کە هەردووک کومیتەی حیزبی دیموکراتی کوردستان و ڕێکخراوی پارتی دیموکراتی کوردستان، بڕیاریان دا کە ئەو جۆرە دیدارانە لە داهاتووش دا بەردەوام بێت و بەڵێنی هاوکاری و هاوئاهەنگی زیاتریان دا بۆ لێکنزیک کردنەوەی زیاتری ڕۆڵەکانی گەلەکەمان لەو شارە و ناساندنی ویست و داخوازییەکانی کورد بە خەڵکی سوید و داودەزگاکانی ئەو وڵاتە.

کومیتەی حیزبی دیموکراتی کوردستان- ئۆرێبرووی سوید
kdp-pdk10-2015.jpg

بگه‌رێوه‌|ئەم بابەتە 346 جار بینراوە| بینێره‌| چاپ
Facebook| My Yahoo| Twitter| google




start|copyright © 2009 kdpmedia.org|contact