. . . .


21 Sep 2015

دیداری نێوان کومیتەکانی ح د ک و ی ن ک لە ئەمریکا


ناوەندی هەواڵ- ئامریکا: ڕۆژى يەکشەممە ڕێكەوتى ۲٠ سێپتامبری ۲٠۱٥ی زایینی کومیتە حیزبی دیموکراتی کوردستان و کەرتی یەکێتی نیشتیمانی کوردستان له "فيرفەكەسى ويرجينيا" بۆ ئاڵوگۆڕی بیروڕا و نزیکایەتی زیاتر لەگەڵ یەکتری دا پێکەوە کۆبوونەوە. بۆ ئەو کۆبوونەوە کە زیاتر لە ٢ کاتژمێری خایاند، هەیئەتی یەکێتی نیشتمانی پێکهاتبوو لە بەڕێزان کاک عبدولرەحمان حەسەن بەرپرسی کومیتەی ئامریکا، کاک سامی سالەیی و کاک قارەمان تیماری بەرپرسی کۆمەلەی پئشمەرگە دێرینەکان، هەروەها كاك كامران بالنورو نوێنەری حیزب لە ئامریکا و خه بات ئيبراهيم پوور بەرپرسی کومیتەی واشینگۆنی حیزبی دیموکراتی کوردستان بەشدار بوون. لە سەرەتای دانیشتنەکە دا کاک کامران بالنور بەخێرهاتن و سپاسی هەیئەتی یەکێتی نیشتمانی کوردستانی کرد بۆ ئەو کۆبونەوە و پاشان باسێکی لە مێژووی دێرین و درێژی دۆستایەتی و هاوپشتی و هاوکاری هەردوو حیزب هێنایە زمان. لە بەشێکی دیکەی ئەو دانیشتنە دا هاوڕێ کامەران باڵنوور،‌‌ باسی پێویستی هاوکاری زیاتر حیزبو ڕیکخراوە کوردستانییەکانی لە ئەمریکا کرد و پێکهێنانی کومیتەیەکی هاوکاری نێوان هێزە کوردستانیەکانییەکانی لە واشینگتۆن بۆ راپەراندنی هەرچی باشتری ئەرکەکانی پەیوەست بە دۆزی ڕەوای گەلەکەمان لە هەر چوار پارچەی کوردستان بە زەرووری زانی. پاشان هەڤاڵانی یەکێتی نێشتمانی کوردستان، هیوایان خواست کە لە داهاتوو دا کومیتەکانی هەردووک لا، هاوکاری زیاتر و نزیکتریان هەبێ بۆ یەکخستنی وزە و تواناکانی ڕۆڵەکانی گەلەکەمان لە لە پێناو بە دیهاتی ئاوات و ئامانجە لە مێژنەکانمان.
پێویست بە ئاماژەیە کە هەر لەو دانیشتنە دا چەندین تەوەری دیکەی پەیوەست بە بارودۆخی کوردستان بە گشتی و کێشەی گەلەکەمان لە ئاستی نێودەوڵەتی و بە تایبەت وڵاتە یەکگرتووەکان ئەمریکا هاتە هاتنە بەر باس.

حیزبی دیموکراتی کوردستان- ئەمریکا
hdk-ynk-9-2015.jpg

بگه‌رێوه‌|ئەم بابەتە 686 جار بینراوە| بینێره‌| چاپ
Facebook| My Yahoo| Twitter| google




start|copyright © 2009 kdpmedia.org|contact