. . . .


20 Sep 2015

بەڕێوەچوونی سمینارێک بۆ یادی ٢٣هه‌مین ساڵرۆژی شه‌هیدانی میکۆنو??


ناوەندی هەواڵ- کانادا: ڕۆژی هه‌ینی ڕێکه‌وتی ٢٧ی خه‌رمانانی ساڵی١٣٩٤ی هه‌تاوی به‌رامبه‌ر به ١٨ سیپتامبری ساڵی ٢٠١٥ی زایینی، له لایه‌ن کومیته‌ی ڕۆژئاوای کانادای حیزبی دێموکراتی کوردستان، سمینارێک بۆ یادکردنه‌وه‌ی ٢٣هه‌مین ساڵرۆژی شه‌هید کردنی دکتور سادق شه‌رفکه‌ند سکرتێری گشتی حیزب و هاوڕێیانی که له ڕێستوارانی میکونوسی شاری بیرله‌نی پێته‌ختی وڵاتی ئاڵمان له لایه‌ن ڕێژیمی ترۆریستی کۆماری ئیسلامی ئێران تیرۆر و شه‌هید کران بەڕێوەچوو. سه‌ره‌تای به‌رنامه وێڕای به خێرهێنانی به‌شدار بووان له لایه‌ن هاوڕێ خه‌لیل ئه‌شکانی ئه‌ندامی کومیته‌ی حیزب له ڕۆژئاوای کانادا،به خوێندنه‌وه‌ی سروودی نه‌ته‌وه‌یی ئه‌ی ڕه‌قیب ده‌ستی پێ کرد و دواتر بۆ ڕێزگرتن له شه‌هیدانی ڕێگای ڕزگاری کوردستان ده‌قه‌یه‌ک بێ ده‌نگی ڕاگیر. ئینجا له لایه‌ن هاوڕێ ئه‌نوه‌ر که‌ریمی به‌رپرسی کومیته‌ی حیزب له ڕۆژئاوای کانادا باسێک له سه‌ر شارەزایی سیاسی، توانا و کارامەیی و لێهاتووی و شێلگیربوون و هاوکات جێگە و پێگەی ڕێبەری شەهید دکتور سادق شه‌ڕفکه‌ندی چ لە ناو حیزب و ڕێکخراوە سیاسییەکان و چ لە کۆمەڵگای نێودەوڵەتی پێشکه‌ش کرا. له به‌شێک له‌و باسه دا وێڕای به‌رز نرخاندنی خزمه‌ت و خه‌بات و تێکۆشانی شه‌هید شه‌ڕه‌فکه‌ندی و به تایبه‌تی ڕۆلی گرینگ و به‌رچاوییان له ڕێبه‌ری کردنی حیزبی دێموکرات و بزوتنه‌وه‌ی ڕزگاری خوازانه‌ی کورد له ڕۆژهه‌ڵاتی کوردستان، دوای شه‌هید بوونی ڕێبه‌ری مه‌زن دکتور قاسملوی زانا، که به حه‌ق وه‌ک ڕێبه‌رێکی کارزان و مودیر و خه‌باتکارێکی به‌وه‌فا و شێلگیری ڕیبازی قاسملوی نه‌مر،خه‌بات و تێکۆشانی حیزبی دێموکراتی کوردستانی به‌ره‌وپێش ڕێبه‌ری کرد. له دوا به‌شی سمیناره‌که‌ دا چه‌ند کورته فیلمێک له وته به نرخه‌کانی ڕێبه‌ری شه‌هید دکتور سادق شه‌ڕه‌فکه‌ندی پێشکه‌ش کرا.

حیزبی دێموکراتی کوردستان
کومیته‌ی ڕۆژئاوای کانادا
yadi-mikonos2015.jpg

بگه‌رێوه‌|ئەم بابەتە 566 جار بینراوە| بینێره‌| چاپ
Facebook| My Yahoo| Twitter| google




start|copyright © 2009 kdpmedia.org|contact