. . . .


25 Jul 2015

دیداری به‌رپرسی پێوه‌ندییه‌کانی کۆمیته‌ی کانادای ح د ک له‌گه‌ڵ


ناوەندی هەواڵ- کانادا: ڕۆژی پێنجشه‌ممه‌، 1 ی گه‌لاوێژ خه‌ڵیل ئه‌شکانی، به‌رپرسی پێوه‌ندییه‌کانی ده‌ره‌وه‌ی کۆمیته‌ی ڕۆژئاوای کانادای حیزبی دیموکراتی کوردستان له‌گه‌ڵ بەڕێز سڤنید ڕابینسۆن، پاڕلمانتاری پێشووی کانادا و دۆستی دێرینی کورد چاوپێکەوتنێکی پێکهێنا.
له‌و کۆبوونه‌وه‌یه‌دا هاوڕێ خه‌لیل ئه‌شکانی وێڕای سپاس‌و ده‌ربڕینی پێزانین بۆ هه‌ڵوێسته‌ بوێرانه‌کانی بەڕێز سڤنید ڕابینسۆن له‌ پێوه‌ندی له‌گه‌ڵ دۆزی کوردو ڕه‌خنه‌ له‌ کۆماری ئیسلامی له‌ پاڕلمانی ئه‌و وڵاته‌، ناوبراوی له‌ دوایین ئاڵۆگۆره‌ سیاسی‌و کۆمه‌ڵایه‌تییه‌کان له‌ ئێران‌و کوردستان ئاگادار کرده‌وه‌.
نوێنه‌ری حیزب له‌و دیداره‌ به‌ سه‌رنجدان به‌وه‌ی سڤنید ڕابینسۆن ئێستا وه‌ک چالاکێکی بواری مافه‌کانی مرۆڤ له‌ ناوه‌ندی " گلۆبال فاندین" کار ده‌کا، سه‌رنجی ناوبراوی بۆ پرسی پێشێلکردنی مافی مرۆڤ له‌ کوردستان‌و کێشه‌و خواسته‌ کۆمه‌ڵاتییه‌کانی خه‌ڵک ڕاکێشا.
له‌و دیداره‌دا سڤنید ڕابینسۆن پێشوازی له‌ زانیاری‌و بابه‌ته‌کانی کۆمیته‌ی حیزب له‌ ڕۆژاوای کانادای کردو له‌گه‌ڵ دوپاتکردنه‌وه‌ی خۆشه‌ویستیی خۆی بۆ کورد، پێداگری کرده‌وه‌ که‌ له‌ هه‌موو ڕێگه‌یه‌که‌وه‌ له‌ پشتیوانیی خۆی له‌ دۆزی کورد به‌رده‌وام ده‌بێ.

کومیتەی حیزبی دیموکراتی کوردستان- کانادا

بگه‌رێوه‌|ئەم بابەتە 7230 جار بینراوە| بینێره‌| چاپ
Facebook| My Yahoo| Twitter| google




start|copyright © 2009 kdpmedia.org|contact