. . . .


22 Mar 2015

بەڕێوە چوونی جەژنی نەورۆز لە شاری یوتوبوری وڵاتی سوید


ناوەندی هەواڵ- سوید: ڕۆژی هەینی ڕێکەوتی ٢٠-٣-٢٠١٥ی زایینی کاتژمێر پێنج و نیوی ئیوارە ڕێوڕەسمێکی پڕ شکۆ بە بەشداری سەدان کەس لە کوردانی هەرچوارپارچەی کوردستان لە شاری یۆتێبۆری وڵاتی سوید بەڕیوەچوو.
سەرەتای ڕێوڕەسمەکە بە پەخشانە شێعرێک لە لایەن مەهدی عەزەمیەوە دەستی پێی کرد . سرودی ئەی ڕەقیب وپاشان سرودی ئەم ڕۆژی ساڵی تازەییەی نەورۆز هاتەوە لە لایەن هونەمەند هەڵبەست ساڵح و گروپی کۆرس و هاوکات لەگەڵ سرودی نەورۆز دا ئاگری نەورۆز هەڵکرا.. پەیامی ئەنجومەنی کۆمەڵەکوردییەکان لە ڕۆژئاوای یوتەلاند لە لایەن کاک ڕەفیق باکوریەوە خوێنرایەوە. لە پەیامەکەدا هاتبوو: جەژنی نەورۆز لە گەلی کورد بە گشتی و پێشمەرگە وگریلا بەتایبەتی پیرۆز بێت. ئاگری نەورۆز لە مێژویەکی دورەوە بۆ ئێمە ماوەتەوە ئاگری نەورۆز ئاگری خەبات و بەرخۆدانە. پاشان پەیامی ئەنجومەن بەزمانی سویدی لە لایەن لاوی تازە پێگەیشتوو سۆما حوسینی خوێندرایەوە و تێدا هاتبوو کە نەورۆز نورۆزی سیاسی و خەبات بۆ کوردان لە دژی داگیرکەرانی ئیران و تورکیە و سوریە و ئێراق لە ڕابردودا و ئیستا گروپە ترویستە ئیسلامیەکانی پێی زیاد بووە و هەروەها سلاو ئەنێرین بۆ پێشمەرگە و گریلا و بە بژی کورد بژی کوردستان کۆتایی پەیامەکە بە پەیامەکە هات. لە بڕگەیەکی دیکەی ڕیوڕەسمەکەدا هونەرمەند چۆمان ڕەشید بە سرودی پێشمەرکە و پاشان بە چەند گۆرانی بەشداری کرد و گەڕی هەڵپەڕکێی بەداری هێنایە جۆش. شەیما مورادییان بە من ئاشقم ئاشقی کوردستانم و جەند گۆرانیەکە بەشداری کرد، هەروەها هونەرمەند ڕەشید ئەحمەدی بە سرودێک و چەند گۆرانی ڕێورەسمەکەی ڕازاندەوە. دەنگ خوش هونەرمەندی ناوچەی هەورامان فەرزین هەورامی بە چڕینی چەند گۆرانیەکی هەورامی کۆڕی ئاهەنگەکەی گەرمتر کرد. گۆرانەیەکانی کاک یادگار هونەرمەندی گەنج و دەنگ خۆش بەشێکی دیکە ئاهنگەکە بوو. پێویست بە ئاماژەیە کە هەریەک لە کاک فەریبورز کەرەمی، حەمید ڕەسوڵی، کاک بریار سۆسەکانی و کاک شاخەوان ئەرکێکی زۆریان کێشا بۆ هەرچی باشتر بەڕێوەچوونی ئاهەنگەکە.
جێگەی ئاماژەیە کە ئەنجوومەنی کۆمەڵە کوردییەکانی ڕۆژئاوای یۆتێلاند لە وڵاتی سوید، ڕێکخراوێکی کوردییە کە زۆربەی هەرە زۆری کۆمەلە کلتوورییە کوردییەکانی لەو ناوچە لە ژێر چەتری خۆی دا کۆکردووەتەوە و ساڵانە چەندین چالاکی جۆراوجۆر بۆ هەرچی زیاتر ناساندنی گەلەکەمان و دۆزەڕەواکەی بە خەڵکی سوید بەڕیوە دەبات.

بگه‌رێوه‌|ئەم بابەتە 595 جار بینراوە| بینێره‌| چاپ
Facebook| My Yahoo| Twitter| google




start|copyright © 2009 kdpmedia.org|contact