. . . .


21 Mar 2015

بەڕێوەچوونی جێژنی نەتەوەی کورد نەورۆز لە وڵاتی دانماک


ناوەندی هەواڵ- دانمارک: ڕۆژی هەینی ڕێکەوتی ٢٠ی مارسی ٢٠١٥ی زایینی، جێژنی نەتەوەیی نەورۆز لە ناوەندی شاری کۆپێنهاگ لە (غۆت هووس پلالس) کاتژمێر 5ی ئێوارە بە شکۆیەکی بێ وێنە بەڕێوە چوو. کومیتە هاوکاری هێزە سیاسیەکان لە وڵاتی دانماک بەرێوە چوو، سەرەتا بە خوێندنەوەی ڕیزی بەرنامەکان لە لایەن هەردووک پێشکەشکاری ئەو ڕێوڕەسمە، کە بریتی بوون لە خاتونی پەڕلەمانتار ئۆزلەم چەکیچ و کاک ئەحمەد ڕەحمانی بە زمانەکانی دانمارکی و کوردی خوێندرانەوە. بە دوای ئەو دا سروودی نەورۆز و دەقیقەیەک بێدەکی بۆ گیانی پاکی شەهیدانی کورد و کوردستان دەست پێکی بەرنامەکان بوون. پێویستە ئاماژە بەوە بکرێ کە نەورۆزی ئەم ساڵ بە بەشداری بەشێکی زۆر لە کوردانی هەر چوار پارچەی کوردستان و چەندین کەسایەتی سیاسی وسەرۆکی پەرلەمان و وەزیری دەرەوە و پەرڵەمانتارانی دانمارکی بەڕێوەچوو. لە ڕێوڕسمی نەورۆزی ئەمساڵ دا ئەو بەڕیزانە پەیامیان پێشکەش کرد.
Mogens Lykketoft, (S) سەرۆکی پەرڵەمانی دانمارک
Martin Lidegaard (R) وەزیری دەرەوەی دانمارک
Holga K. Nielsen (SF) وەزیری پێشووی دەرەوەی دانمارک
Zenia Stampe (RV) ئەندامی پەرلەمان و بەرپرسی پەیوەندی دەرەوەی پارتی ڕدیکال
Yilmaz Yildz(K) ئەندام لە فدراسیۆنی کۆمەڵە کوردیەکان دانمارک.
Adnan Axacan(PAK) بەرپرسی فدراسیۆنی کۆمەڵە کوردیەکان
Özlem Cekic (SF) ئەندامی پەرلەمانی دانمارک
Ahmad Rahmani(HDK) ئەندام لە فدراسیۆنی کۆمەڵە کوردیەکان
لە نەورۆزی ئەم ساڵدا بەشێکی بەر چاو لە ئەندامانی کۆمیتەی حیزبی دیموکراتی کوردستان بە شداری چالاکانەیان بوو هەم لە بەرێوەبردنی بەرنامە و هەم لە کۆمیتەی ئامادەکاری جێژنی نەورۆز دا. لە کۆتای دا گرووپی موسیقا بە هاوکاری هونەرمەندان جاوید و فواد و مەحمود بەرزەنجی و ڕێکار بەرزەنجی چەندین سروود گۆرانی گەلەریان پێشکەشی بەشداران کرد و بەشادی و خۆشی و هەڵپەرکێ کوردی نەرۆزی ئەم ساڵ پیرۆز کرا.
کۆمیتەی حیزبی دیموکراتی کوردستان دانمارک

بگه‌رێوه‌|ئەم بابەتە 578 جار بینراوە| بینێره‌| چاپ
Facebook| My Yahoo| Twitter| google




start|copyright © 2009 kdpmedia.org|contact