. . . .


15 Mar 2015

یادی ٢٧ ساڵه‌ی کیمیابارانی هه‌ڵه‌بجه‌ له‌ شاری یوتوبوری وڵاتی سو?


ناوەندی هەواڵ- سوید: رۆژی ٢٠١٥/٣/١٥ له‌شاری یۆتۆبۆری وڵاتی سوید ئه‌نجوومه‌نی کۆمه‌ڵه‌ کوردییه‌کان لە ڕۆژئاوای یوتەلاند به‌هاوکاری کۆمه‌ڵه‌ی هونه‌ره‌ جوانه‌کانی یۆتۆبۆری یادی ٢٧ ساڵه‌ی کیمیابارانی شاری هه‌له‌بجه‌یان کرده‌وه‌.
له‌و یاده‌دا ژماره‌یه‌ک له‌ که‌س و کاری شه‌هیدانی هه‌ڵه‌بجه‌ و که‌سایه‌تیه‌کانی ره‌وه‌ندی کورد له‌و شاره‌ و ژماره‌یه‌ک له‌ دانیشتوی شاری یۆتۆبۆری و ده‌ور و به‌ری ئاماده‌بوون به‌رنامه‌کان به‌م شێوه‌یه‌ ده‌ستی پێکرد.
فیلمێکی دۆکۆمێنتاری ٤ خوله‌کی به‌ده‌نگی عه‌لی حه‌سه‌ن مه‌جید که‌ئاماژه‌ی به‌ فرمانی به‌کارهێنانی چه‌کی کیمیاوی داوه‌ ده‌رهه‌ق به‌ گه‌لی کورد،، پاشان دیدار و چاوپێکه‌وتنی هه‌ندێ خه‌ڵکی هه‌له‌بجه‌ که‌له‌کاتی خۆیدا به‌رکه‌وته‌ به‌ ژه‌هری کیمیاوی بوون پیشاندرا،، دواتر فیلمی هه‌زار و یه‌ک سێو پیشانی درا به‌رهه‌می هونه‌رمه‌ندی کۆچکردوو تەها که‌ریمی بوو بۆ ماوەی 75خولەک بوو .
ئەرکی هێنان لە کوردستانەوە وبڵاوکدنەوەی ئەم فیلمە لە لایەن بەڕێزان ئاسۆ جەمال موختار، نەبەز شێخانی و کاک ونزارەوە بوە . ئاسۆ جه‌مال موختار زیندانی سیاسی بیره‌وه‌ری خۆی گێڕایه‌وه‌ کاتێک له‌ زینداندابوو و له‌گه‌ل هه‌ندێ له‌خه‌ڵکی هه‌ڵه‌بجه‌ له‌کاتی بۆردوومانه‌که‌ی شاری هه‌ڵه‌بجه‌،،، له‌درێژه‌ی به‌رنامه‌کانی ئه‌و یاده‌دا یه‌کێک له‌ به‌رکه‌وته‌ی چه‌کی کیمیاوی ساڵی ١٩٨٨ که‌خه‌ڵکی هه‌ڵه‌بجه‌یه‌ به‌ناوی رێزان باسی توشبوونی به‌ نه‌خۆشی بە هۆی چەکی کیمیاوی کرد کە هه‌تا ئێستا به‌ده‌ستیه‌وه‌ ده‌ناڵێنێت ئه‌وه‌ی جێگای باسه‌ خاتوو ڕێزان به‌هۆی له‌کارکه‌وتنی بۆری هه‌ناسه‌کانیه‌وه‌ خۆی نه‌یتوانی قسه‌بکات هاوکات که‌سێکی تر به‌سه‌رهاته‌که‌ی بۆ ئاماده‌بووان گێڕایه‌وه‌،، فه‌لاح ئه‌حمه‌د ڕه‌شید خه‌ڵکی هه‌ڵه‌بجه‌ بیره‌وه‌ری ئه‌و ڕۆژه‌ی گێڕایه‌وه‌ به‌ کورته‌ چیرۆکێک به‌ناونیشانی[ گالیسکه‌ی مه‌رگ] چه‌ند په‌خشانه‌ شیعرێک خوێنرایه‌وه‌ دواترا که‌س وکاری شه‌هیدانی هه‌ڵه‌بجه‌ چه‌پکه‌ گوڵیان له‌سه‌ر مۆنۆمێنتی هه‌ڵه‌بجه‌ دانا له‌ کۆتایشدا ٢٧ دیاری پێشکه‌ش کران به‌ ده‌سته‌ی به‌ڕێوه‌بردنی ئه‌و یاده‌ کە دیاریه‌کانیش بریتی بوون له‌ بڵاوکراوه‌ و دۆکۆمێنتی مۆنۆمێنتی پارێزگای هه‌ڵه‌بجه‌ که‌له‌لایه‌ن فه‌لاح ئه‌حمه‌د ڕه‌شیده‌وه‌ ئاماده‌کرا بوون‌ .
پێویست بە ئاماژەیە کە ئەنجوومەنی کومەلە کوردییەکانی ڕۆژئاوای سوید، ڕیکخراوێکە کە زۆربەی هەرە زۆری کۆمەڵە کلتوورییەکانی ئەو ناوچەیەی لە خۆیدا کۆکردووەتەوە و کۆمەڵەی بەیان، کە یەکک لە کۆمەلە چالاکەکانی کۆردانی ڕۆژهەڵاتە لەو شارە، تێیدا ئەندامە.

بگه‌رێوه‌|ئەم بابەتە 549 جار بینراوە| بینێره‌| چاپ
Facebook| My Yahoo| Twitter| google




start|copyright © 2009 kdpmedia.org|contact