. . . .


17 Dec 2014

لە شاری بریزبێن،ی ئوستڕالیا ڕێز لە ڕۆژی پێشمەرگە و ئاڵای کوردستان گی?


ناوەندی هەواڵ- ئوسترالیا: شه‌وی شه‌ممه 13/12/2014 کۆمیته‌ی حیزبی دێمۆکراتی کوردستان له شاری بریزبێن له ئوسترالیا، ئاهه‌نگێکی به شکۆو و شیاوی به بۆنه‌ی 26 سه‌رماوه‌ز ڕۆژی پێشمه‌رگه‌ی کوردستان به‌رێوه‌ برد.
له‌و ئاوهه‌نگه دا به‌شێکی زۆر له کوردانی دانیشتووی ئیاله‌تی کوینزلانه‌د زۆر دڵگه‌رمانه به‌ پێشوازی ئه‌م ڕۆژه‌وه هاتن و به‌شداریان له‌ ڕێوه‌ره‌سمه که‌ دا کرد. سه‌ره‌تای به‌رنامه کامران سوهرابی وه‌ك پێشکه‌شکاری به‌رنامه به خێرهاتنی میوانه‌كانی کرد و سوپاسی هه‌موو لایه‌كی کرد که به پێشوازی ئه‌م ڕۆژه‌وه پیرۆزه هاتوون.
ئه‌و جار ده‌سپێکی به‌رنامه به سروودی نه‌ته‌وایه‌تی ئه‌ی ڕه‌قیب ده‌ستی پێکرد.. دواتر ده‌قیقه‌یه‌ک بێ ده‌نگی بۆ گیانی پاکی شه‌هیدانی کوردستان ڕاگه‌یه‌ندرا. دوا به دوای ئه‌و دا سه‌لاح پوور ئه‌سه‌د به‌پرسی کۆمیته‌ی حیزب له ئیاله‌تی کوینزله‌ند وتارێکی بەو بۆنه‌ پێشکه‌ش به‌ به‌شدارن کرد. سه‌لاح پوور ئه‌سه‌د په‌یامی کۆمیته‌ی حیزبی دێمۆکراتی کوردستان به بۆنه‌‌ی 26 ی سه‌رماوه‌ز پێشکه‌‌ش به به‌شداربووان کرد. کاک سه‌لاح له په‌یامه‌كه‌ی دا ئاماژه‌‌ی به ده‌وری پێشمه‌رگه‌ ‌ له شه‌ری دژه تیرۆر کرد و جێگه‌ و پێگه‌ی ئه‌مڕۆی پێشمه‌رگه‌کانی کوردستان له جیهان دا بۆ به‌ربه‌ره‌کانی له گه‌ڵ شه‌ری دژه تیرۆر به رز نرخاند، هه‌روه‌‌ها له به‌شێکی دیکه‌ی قسه‌كانی دا ئاماژه‌ی به مێژووی پڕ له سه‌روه‌ری پێشمه‌رگه‌کانی کوردستان له به‌شه‌ جیاوازه‌کانی کوردستان و به تایبه‌ت له ڕۆژهه‌لاتی کوردستان دا کرد.
له به‌شێکی دیکه‌ی به‌رنامه‌که‌ دا نۆره‌ گه‌یشته په‌یامی میوانه‌کانی به‌شدار بوو کە لە ناویاندا ئەو پەیامانەی خوارەوە جێیان گرتبوو:
په‌یامی یه‌كێتی نیشتمانی کوردستان له لایه‌ن کاک محمد ئه‌یوبییه‌وه پێشکه‌ش کرا و ناوبراو له په‌یامه‌که‌ی دا باسی ڕابردووی نێوان یه‌كێتی نیشتمانی و حیزبی دێمۆکرات کرد و ئاماژه‌ی به یه‌كێتی و برایه‌تی و هاوپشتیوانی نێوان یه‌كێتی نیشتمانی کوردستان و حیزبی دێمۆکراتی کوردستان کرد له ساڵانی ڕابردوود کرد. ..
ئه‌و جار په‌یامی بزووتنه‌‌وه‌ی گۆران له لایه‌ن مراد حه‌سه‌ن پێشکه‌ش کرا. هه‌روه‌ها پارچه شێعرێکی جوان له لایه‌ن کاک دلاوه‌ر فه‌ره‌جه‌وه به بۆنه‌ی ڕۆژی پێشمه‌رگه پێشکه‌ش به به‌شدار بووان کرا.
کاک محمد زه‌ندی پێشمه‌رگه‌ی دێرینی بآشووری کوردستانیش به‌م بۆنه‌وه چه‌ند وته‌ی به‌ نرخ و بیره‌وه‌رییه‌کی پێشکه‌ش کرد. جێگای ئاماژه‌یه که له‌و به‌رنامه‌یه دا ئه‌ندامانی حیزبی دێمۆکراتی کوردستانی ئێران زۆر دڵگه‌رمانه به‌شداریان له به‌رنامه‌ که دا کرد و ده‌ست خۆشی و پێرزۆبایی خۆیان به بۆنه‌ی 26 سه‌رماوه‌ز له به‌ڕێوه‌به‌‌رانی پڕۆگرامه کرد و له لایه‌ن ئه‌ندامانه حیزبی دێمۆکراتی کوردستانه‌وه به گه‌رمی پێشوازیان لێکرا.
هه‌روه‌ها به‌شێک له ئه‌ندامانی حێزبی دیمۆکراتی کوردستان له شاری سێدنیه‌وه سه‌دان کیلۆمیتریان بڕی و به‌شداریان له ئاهه‌نگه‌که دا کرد که ڕه‌سمه‌ن له ناو به‌رنامه‌ دا به‌خێرهاتن و ماندوونه‌بوونیان لێکرا.
دواین به‌شی به‌رنامه‌که به شیرنی خواردن و هه‌‌ڵپه‌رکێ به ده‌نگه به سۆزه‌که‌ی گۆرانی بێژی لاو مه‌جید ئه‌ڵماسی تانیوه‌ شه‌و درێژه‌ی هه‌بوو

کۆمیته‌ی حیزبی دێمۆکراتی کوردستان ،شاری بریزبێن ، ئوسترالیا

بگه‌رێوه‌|ئەم بابەتە 6800 جار بینراوە| بینێره‌| چاپ
Facebook| My Yahoo| Twitter| google




start|copyright © 2009 kdpmedia.org|contact