. . . .


11 Dec 2014

بەشداری هەیئەتێکی حیزبی دیموکراتی کوردستان لە سمینارێکی بەڕیز قوبا?


ناوەندی هەواڵ- ئەمریکا: لە سەر بانگهێشتی فەرمی نوێنەرایەتی حکومەتی هەرێمی کوردستان، ڕۆژی سێشەممە ڕێکەوتی ٩ی دێسامبر، هەیئەتێکی کومیتەی واشنگتۆنی حیزبی دیموکراتی کوردستان، پێکهاتوو لە بەڕیزان خەبات ئیبراهیم پوور بەرپرسی کومیتە و هاوڕێیەتی جەمال مەحموودزادە ئەندامی کومیتە و خاتوو نەسرین کەریمی و سلێمان عەزیزی، ئەندامانی حیزب، لە سمینارێکی تایبەت دا کە بۆ بەڕیز قوباد تاڵەبانی،ی جێگری سەرۆکی حکومەتی هەرێمی کوردستان پێک هێنرابوو بەشدارییان کرد. لەو سمینارە دا کە نوێنەری حیزب و ڕێکخراوە کوردستانییەکان، نوێنەرایەتی حکومەتی هەرێمی کوردستان لە ئەمریکا و بەشێکی بەرچاو لە کوردستانیانی دانیشتووی وڵاتە یەکگرتووەکانی ئەمریکا بەشدار بوون، بەرێزیان باسێکی تێر و تەسەلی لە سەر دوایین پێشهاتەکانی هەرێمی کوردستان و ناوچەکە و بە تایبەت شەڕ دژی تیرۆرستانی داعش پێشکەش کرد. ئینجا ئاوڕێکی خێرای دایەوە سەر بارودۆخ و وەزعی پەنابەرانی هەرێمی کوردستان, بارودۆخی هێزی پێشمەرگەی کوردستان وهاوکات باسی لە دوایین گۆرانکاریەکانی پەیوەندی نێوان حکومەتی هەرێمی کوردستان و حکومەتی ناوەندی لە بەغدا کرد.
دوایین بەشی کۆرەکە تەرخان کرابو بۆ پرسیارو وڵام، کە لەو بەشەش دا بەڕێز تاڵەبانی بە وردی وڵامی پرسیاری بەشدارانی دایەوە.
کومیتەی حیزبی دیموکراتی کوردستان- ئەمریکا

بگه‌رێوه‌|ئەم بابەتە 600 جار بینراوە| بینێره‌| چاپ
Facebook| My Yahoo| Twitter| google




start|copyright © 2009 kdpmedia.org|contact