. . . .


4 Dec 2014

دیداری نێوان هەیئەتی ح د ک و هەیئەتێکی پارتی دیموکراتی ڕۆژئاوای کوردس?


ناوەندی هەواڵ- دانمارک: روژی یەک شەممە رێکەوتی ٣٠ی نوامبری ٢٠١٤ لە سەر بانگهێشتنی بەرپرسی پەیوەندییە کوردستانیەکانی حیزبی دیموکراتی کوردستان لە دانمارک، شاندێکی پارتی دیموکراتی کوردستانی سوریە پێکهاتوو لە بەرێزان شوکرئەلجوجو و زنار دەرشەو ئەندامانی کومیتەی دانمارکی پارتی دیموکراتی کوردستانی سوریە سەردانی شاندی حیزبی دیموکراتی کوردستانیان کرد.
کوبونەوەکە کاتژمێر١ی پاش نیوەرو بە خولەکێک بێدەنگی بو رێزگرتن لە یاد و روحی پاکی شەهیدانی حیزب وگەل دەستی پێکرد. سەرەتا لە لایەن هاوڕێ رەحیم خالیدنژاد بەرپرسی پەیوەندییە کوردستانییەکانی کومیتە بەخێرهاتنی شاندی میوان کرا وپاشان لە لایەن هاوڕێ عبدووڵا بەهرامی بە درێژی باسی مێژوو وخەباتی حیزبی دیموکراتی کوردستان کرا و پاشان لە لایەن هەیئەتی پارتی دیموکراتی کوردستانی سوریە باسەکان دریژەیان پێ درا و لەم نیوە دا هەیئەتی میوان چەندین پرسیاریان ئاراستەی هەیئەتی حیزب کرد کە لە لایەن کاک خالیدرەواندوست ئەندامی کومیتەی حیزبی دیموکراتی کوردستان لە دانمارک وڵامیان درایەوە.
لە درێژەی ئەو دانیشتنە دا لە لایەن کاک رەحیم خالیدنژاد هێندێک پێشنیاری بو پەرەپێدانی هاوکاری و پتەوترکردنی پەیوەندی نێوان حیزب و رێکخراوەکانی چوارپارچەی کوردستان ئاراستەی هەیئەتی میوان کرد کە پێشوازییەکی گەرمی لێکرا و هەردووک لا بەلێنیان دا هەول بو جێ بە جێ کردنیان بدەن.
کوبونەوەکە لە کاتژمێر ٣ی پاش نیوەرو لە کەشێکی دوستانە دا کۆتایی پێهات.

حیزبی دیموکراتی کوردستان کومیتەی دانمارک
hdk-pdk-surya.jpg

بگه‌رێوه‌|ئەم بابەتە 511 جار بینراوە| بینێره‌| چاپ
Facebook| My Yahoo| Twitter| google




start|copyright © 2009 kdpmedia.org|contact