. . . .


30 Nov 2014

دیداری نێوان کۆمیتەکانی حیزبی دیموکراتی کوردستان و یەکێتی نیشتمانی ?


ناوەندی هەواڵ- دانمارک: رۆژی شەممە ٢٩ی نوامبر دیدارێکی دۆستانە لە نێوان شاندی کۆمیتەکانی حیزبی دیمۆکراتی کوردستان ویەکیەتی نیشتمانیی کوردستان لە ولاتی دانمارک پێک هات. لەو دیدارەدا کە لەسەر داوای کۆمیتەی دانمارکی یەکیەتیی نیشتمانی کوردستان پێک هات، دوای راگرتنی خولەکێک بێدەنگی بۆ رێزگرتن لە شەهیدانی کوردستان، دۆخی ئێستای کوردستان وهێرشه‌کانی تیرۆریستانی داعش و به‌رگری قاره‌مانانه‌ی پێشمه‌رگه‌ و خه‌ڵکی کوردستان و هەروەها بارودۆخی ناوچەکه‌ و هاوکاریی دوولایەنە لەو وڵاتە کەوتنە بەر باس .
دوو لایەن رێکارەکانی هاوکاریی زیاتری حیزب و لایەنە کوردستانییەکان و چالاکیی کوردانی نیشتەجێی وڵاتی دانمارک،یان لە پێناو هەرچی زیاتر ناساندنی دۆزی ڕەوای گەلەکەمان بە خەڵک و کاربەدەستانی دانمارک تاوتوێ کرد و لەسەر پتەوترکردنی پێوەندی و هاوکاریی دوولایەنە پێیان داگرتەوە.
جێگای ئاماژەیە ئەندامانی شاندی کۆمیتەی یەکیەتیی نیشتمانیی کوردستان بریتی بوون لە سەردار محەمەد عەبدوڵڵا بەرپرسی کۆمیتەو ستار مامە، حەسەن عەزیزو رزگار حەمەدەمین ئەندامانی کومیتە. هەروەها شاندی کۆمیتەی حیزبی دیمۆکراتی کوردستان پێکهاتبوو لە به‌ریزان رەحیم خالیدنژاد بەرپرسی پێوەندییە کوردستانییه‌کان و خالید رەواندووست ئەندامی کۆمیتەو رەحمان خوش ئەبروو پێشمەرگەی دیرینی حیزب.
له‌ دریژه‌ی کاره‌کانیان دا شاندی حیزب سه‌ردانی پێشمه‌رگه‌ و ئه‌ندامی دیرینی حێزب به‌ریز مام ڕه‌سووڵی مامه‌ ڕه‌شیان کرد که‌ له‌ یه‌کێک له‌ نه‌خۆشخانه‌کانی و‌ڵاتی دانمارک به‌ هۆی نه‌خۆشییه‌وه‌ لە ژێر چاوەدێری پزیشکی دایە. شاندی کومیته‌ له‌م سه‌ردانه‌یاندا له‌ حاڵ و ئه‌حوالی مام ره‌سووڵیان پرسی و هیوای هه‌رچی زووتر چاکبوونه‌وه‌یان بۆ ئاوات خواست و به‌ ناوی کومیته‌وه‌ ئاماده‌ییان ده‌ربری بۆ هه‌رهاوکارییه‌ک کە ئەو هاوڕێ ئازیزەمان پێویستی بێت.
حیزبی دیموکراتی کوردستان- کومیته‌ی دانمارک

بگه‌رێوه‌|ئەم بابەتە 445 جار بینراوە| بینێره‌| چاپ
Facebook| My Yahoo| Twitter| google




start|copyright © 2009 kdpmedia.org|contact