. . . .


23 Nov 2014

خۆپێشاندان دژی توندو تیژی بەژنان لە لەندەنی پایتەختی بریتانیا


ناوەندی هەواڵ- برتانیا: بۆ بەرز راگرتنی رۆژی نەهێشتنی توندوتیژی دژی ژنان و بۆ دەربڕێنی هاودەمی و پشتیوانی لە ژنانی کۆبانی و شەنگاڵ، لە رێکەوتی ٢٣ی نوامبری ٢٠١٤ کاتژمێری ١ی پاشنیوەرۆ لەژێر باران و سەرمای لەندەندا خۆپشاندانێك دژ بە توندوتیژی بەرامبەر ژنان و رسواکردنی کارەکانی رێخکراوی تێرۆرستی داعش، لە ترافلگار سکوێر لە ناوەراستی لەندەن رێکخرا. سەرەرای بارانی بەردەوام و سەرمای لەندەن بەشێکی بەرچاو لەرەوەندی کورد لەبریتانیا بەشداری چالاکانەیان تێدا کرد.
ژمارەیەک کەسایەتی چالاکوانی بواری مافی ژنان و رێکخراوی ژنانی کورد و خۆرهەڵاتی ناوەراست بەشدار بوون و بە خوێندنەوەی وتار، پشتیوانی خۆیان بۆ ژنانی کۆبانێ و شەنگال و کورد و هەموو ژنانی زوڵم لێکراوی جیهان دووپات کردەوە. پێویست بە ئاماژەیە کە خۆپیشاندەران چەندین دروشمی جۆراوجۆر و وێنەی تایبەت بەو ڕۆژەیان بەرز کردبووەوە، کە سەرەنجی ڕێبوارانی بە لای خۆیدا ڕاکێشابوو.
هەروەها هەریەك لەبەرێزان خاتوو جین لەمیەر ئەندامی پارلمانی ئەوروپا لەلیستی حیزبی سەوز بریتانیا و خاتوو مارگرت ئۆون، وەکیل و چالاکوانی مافی ژنان وتەیان پێشکەش کردو پشتیوانی خۆیان لە ژنان و بەتایبەت شێرەکچانی کوبانی دووپات کردەوە.
جێی باسە کە ئەو ڕێکخراوانەی خوارەوە پەیامی پشتیگریان پێشکەش کرد.
رێکخراوی مافی ژنانی ئێرانی و کورد
کۆمەڵگای رۆژی ژن
کۆنگرەی نەتەوەی کورد (بەشی ژنان)
پرۆژەی ژنی کورد
رێکخراوی مافی ژنی کورد
رێکخراوی لاوانی بێ لایەن
رێکخراوی مافی ژنی کورد و خۆرهەڵاتی
رێکخراوی راگرتنی توندوتیژی دژی ژنانی ئێرانی
یەکیەتی سۆسیالیستی ژنان
کۆمیتەی هاوکاری حیزبە کوردستانیەکان

حیزبی دیموکراتی کوردستان- بریتانیا

بگه‌رێوه‌|ئەم بابەتە 491 جار بینراوە| بینێره‌| چاپ
Facebook| My Yahoo| Twitter| google




start|copyright © 2009 kdpmedia.org|contact